ക്ലബ്ബിനോ രാജ്യത്തിനോ വേണ്ടി റൊണാൾഡോയ്ക്ക് ഇത്തവണ മികച്ച സീസൺ ആയിരുന്നില്ല . ഓൾഡ് ട്രാഫോർഡ്‌ വിട്ട റൊണാൾഡോ സൗദി ക്ലബിലേക്കാണ് ചേക്കേറിയത്. പിയേഴ്‌സ് മോർഗനുമായുള്ള അഭിമുഖത്തിന് ശേഷം മാഞ്ചസ്റ്റർ വിടാൻ തീരുമാനം എടുത്ത താരം പല ക്ലബ്ബുകൾ നോക്കിയെങ്കിലും അദ്ദേഹത്തിനെ ഒപ്പം കൂട്ടാൻ വമ്പന്മാർ പലരും ഒരുക്കമായിരുന്നില്ല. അതോടെ വലിയ ഓഫർ വെച്ച അൽ നാസറിനൊപ്പം ചേർന്നു
മോശമല്ലാത്ത ഫോമിൽ അവിടെ കളിക്കുന്ന റൊണാൾഡോ കിരീടം നേടാനുള്ള സാധ്യതകൾ വളരെ കുറവാണ്. ഇപ്പോൾ, റൊണാൾഡോ സൗദി ക്ലബ് വിടാൻ നോക്കുന്നതായി ചില റിപ്പോർട്ടുകൾ സൂചിപ്പിക്കുന്നു. തങ്ങളുടെ ഇതിഹാസത്തെ തിരികെ കൊണ്ടുവരാൻ റയൽ മാഡ്രിഡ് ശ്രമിക്കുന്നതായും റിപ്പോർട്ടുകൾ പറയുന്നു.
അടുത്തിടെ അൽ-നാസറിൽ ചേർന്ന ക്രിസ്റ്റ്യാനോ റൊണാൾഡോ, തന്റെ മുൻ ക്ലബ് റയൽ മാഡ്രിഡിന്റെ ഒരു സർപ്രൈസ് ടാർഗെറ്റാണ്. ഡിസംബറിൽ മാഞ്ചസ്റ്റർ യുണൈറ്റഡുമായുള്ള കരാർ അവസാനിപ്പിച്ചപ്പോൾ തന്നെ റൊണാൾഡോയുടെ ലക്‌ഷ്യം റയൽ തന്നെ ആയിരുന്നു.
Read more
എന്നിരുന്നാലും, തന്റെ കാമുകി ജോർജിന റോഡ്രിഗസ് അതൃപ്തിയും മാഡ്രിഡിലേക്ക് മടങ്ങാനുള്ള ആഗ്രഹവും ഉള്ളതിനാൽ പോർച്ചുഗീസ് താരം ക്ലബ് വിടാൻ ആഗ്രഹിക്കുന്നുവെന്ന് പറയപ്പെടുന്നു. സ്പാനിഷ് പ്രസിദ്ധീകരണമായ എൽ നാഷനൽ പറയുന്നതനുസരിച്ച്, ലോസ് ബ്ലാങ്കോസ് 38 കാരനായ താരത്തിന് ക്ലബ് അംബാസഡറായി ഒരു സ്ഥാനം വാഗ്ദാനം ചെയ്യാൻ തയ്യാറാണ്.
