ലയണൽ മെസ്സിയുടെ പ്രൊഫഷണൽ കരിയറിലെ ഏറ്റവും മികച്ച വർഷത്തിലൂടെയാണ് അദ്ദേഹം ഇപ്പോൾ കടന്നുപോകുന്നത് .ഖത്തറിൽ നടന്ന ഫിഫ ലോകകപ്പ് മികച്ച വ്യക്തികത പ്രകടനം നടത്തിയ മെസിയുടെ മികവിൽ തന്നെയാണ് അര്ജന്റീന ലോകകപ്പിൽ വിജയം സ്വന്തമാക്കിയതെന്നത് ശ്രദ്ധിക്കേണ്ട കാര്യമാണ്. നിലവിൽ പാരീസ് സെന്റ് ജെർമെയ്‌നിൽ ക്ലബ് ഫുട്‌ബോൾ കളിക്കുന്ന മെസ്സി തന്റെ ബാല്യകാല ക്ലബ്ബായ ബാഴ്‌സലോണയിലേക്കുള്ള തിരിച്ചുവരവുമായി ബന്ധപ്പെട്ടാണ് ഇപ്പോൾ കൂടുതൽ വാർത്തകൾ വരുന്നത് .
ബാഴ്സയിൽ വർഷങ്ങൾ കളിച്ച എല്ലാം നേടിയ ശേഷം പി.എസ്.ജിയിൽ എത്തിയ മെസി ഒരിക്കൽക്കൂടി പഴയ ക്ലബ്ബിലേക്ക് മടങ്ങാനുള്ള സാധ്യത തളളികളായാൻ സാധിക്കില്ല. ഇനി അങ്ങനെ സംഭവിച്ചില്ലെങ്കിൽ പോലും ബാഴ്സയിൽ ആയിരിക്കും മെസി താമസിക്കാൻ പോകുന്നത്.
ഡാരിയോ ഒലെയ്‌ക്ക് നൽകിയ അഭിമുഖത്തിൽ, തന്റെ കളിദിനങ്ങൾ അവസാനിച്ചതിന് ശേഷം ബാഴ്‌സലോണയിൽ താമസിക്കാൻ ഉദ്ദേശിക്കുന്നതായി മെസ്സി സ്ഥിരീകരിച്ചു. “ഞാൻ എന്റെ കരിയർ പൂർത്തിയാക്കിയാൽ, ഞാൻ ബാഴ്‌സലോണയിലേക്ക് മടങ്ങും, അത് എന്റെ വീടാണ്,” അഭിമുഖത്തിൽ മെസ്സി പറഞ്ഞു.
2022 ഫിഫ ലോകകപ്പിന്റെ ഫൈനലിൽ അർജന്റീന ഫ്രാൻസിനെ തോൽപ്പിച്ചതിനാൽ മെസ്സി എല്ലാവരുടെയും ‘ഏറ്റവും അഭിമാനകരമായ ട്രോഫി’ നേടി. ലോകകപ്പ് ഫൈനൽ അണിഞ്ഞിരുന്ന ടിഷർട്ടും ബൂട്സും എവിടെ എന്ന് ചോദിച്ചതിനും താരത്തിന് ഉത്തരമുണ്ട്.
Read more
“അതെല്ലാം ഭദ്രമാണ്, ബൂട്ടുകൾ, ടീ-ഷർട്ടുകൾ… എല്ലാം AFA പ്രോപ്പർട്ടിയിലുണ്ട്, ഇപ്പോൾ മാർച്ചിൽ, ഞാൻ എല്ലാം ബാഴ്‌സലോണയിലേക്ക് കൊണ്ടുപോകാൻ പോകുന്നു, അവിടെ എനിക്ക് എന്റെ സാധനങ്ങളും ഓർമ്മകളും ഉണ്ട്. “
