ഇന്ത്യൻ പ്രീമിയർ ലീഗ് വേറെ ലെവലിലേക്ക് പോകുകയാണ്. ലീഗിന്റെ മൊത്തത്തിലുള്ള ബ്രാൻഡ് മൂല്യം 10 ബില്യൺ ഡോളർ കവിഞ്ഞു എന്നതാണ് ഏറ്റവും പുതിയ വാർത്ത. നിലവിൽ, ലോകത്തിലെ ഏറ്റവും മികച്ച ടി20 ലീഗിന്റെ മൂല്യം 10.7 ബില്യൺ ഡോളറാണ്. കഴിഞ്ഞ ഒരു വർഷത്തിനിടെ ബ്രാൻഡ് മൂല്യത്തിൽ ശ്രദ്ധേയമായ വർധനയുണ്ടായി. 2022-ലെ 8.4 ബില്യൺ ഡോളറിൽ നിന്ന് മൂല്യം 28% വർദ്ധിച്ചു.
2008-ലെ ഉദ്ഘാടന സീസണിന് ശേഷം ലീഗിന്റെ മൊത്തം ബ്രാൻഡ് മൂല്യം 433% വർദ്ധിച്ചതായി ബ്രാൻഡ് മൂല്യനിർണ്ണയ കൺസൾട്ടൻസി ബ്രാൻഡ് ഫിനാൻസിൽ നിന്നുള്ള ഒരു റിപ്പോർട്ട് അവകാശപ്പെടുന്നു. ടൂർണമെന്റിന്റെ മാധ്യമ അവകാശം 6.2 ബില്യൺ ഡോളറിന് (INR 48,390 കോടി) വിട്ടിരുന്നു. ഗുജറാത്ത് ടൈറ്റൻസ് (ജിടി), ലഖ്‌നൗ സൂപ്പർ ജയന്റ്‌സ് (എൽഎസ്ജി) എന്നീ രണ്ട് പുതിയ ഫ്രാഞ്ചൈസികൾ കൂടിച്ചേർന്നത് പോലും മൊത്തത്തിലുള്ള കണക്കുകളിലേക്ക് കൂടുതൽ പണം ചേർത്തു. കഴിഞ്ഞ സീസണിൽ ടൂർണമെന്റ് അതിന്റെ ഹോം, എവേ ഫോർമാറ്റിലേക്ക് മടങ്ങി, അത് വലിയ ഉത്തേജനമായിരുന്നു.
അഞ്ച് തവണ ചാമ്പ്യൻമാരായ മുംബൈ ഇന്ത്യൻസ് (എംഐ) ആണ് ഏറ്റവും മൂല്യമുള്ള ഫ്രാഞ്ചൈസി, $87 മില്യൺ. അഞ്ച് തവണ ചാമ്പ്യൻമാരായ ചെന്നൈ സൂപ്പർ കിംഗ്‌സിന്റെ (CSK) മൂല്യം 81 മില്യൺ ഡോളറാണ്. കൊൽക്കത്ത നൈറ്റ് റൈഡേഴ്‌സ് (കെകെആർ), റോയൽ ചലഞ്ചേഴ്‌സ് ബാംഗ്ലൂർ (ആർസിബി) എന്നിവരുടെ മൂല്യം യഥാക്രമം 78.6 മില്യൺ ഡോളറും 69.8 മില്യൺ ഡോളറുമാണ്. ഐപിഎൽ 2022 ലെ ജേതാക്കളായ ഗുജറാത്ത് ടൈറ്റൻസ് (ജിടി) പട്ടികയിൽ അഞ്ചാം സ്ഥാനത്താണ്.
Read more
ലഖ്‌നൗ സൂപ്പർ ജയന്റ്‌സിന് (എൽഎസ്ജി) 47 മില്യൺ ഡോളറിന്റെ ബ്രാൻഡ് മൂല്യമുണ്ട്, നിലവിൽ എട്ടാം സ്ഥാനത്താണ്. മുംബൈ ഇന്ത്യൻസ്, ഡൽഹി ക്യാപിറ്റൽസ്, ചെന്നൈ സൂപ്പർ കിംഗ്‌സ്, ലഖ്‌നൗ സൂപ്പർ ജയന്റ്‌സ്, സൺറൈസേഴ്‌സ് ഹൈദരാബാദ്, കൊൽക്കത്ത നൈറ്റ് റൈഡേഴ്‌സ്, രാജസ്ഥാൻ റോയൽസ് എന്നീ ടീമുകൾ ലോകമെമ്പാടുമുള്ള ടി20 ലീഗുകളിൽ നിക്ഷേപം നടത്തിയിട്ടുണ്ട്.
