ന്യൂസിലാന്റ് കരുത്തുറ്റ ടീമാണെങ്കിലും ഒരു കാര്യത്തില്‍ അഫ്ഗാനിസ്ഥാന് മുന്‍തൂക്കമുണ്ടെന്ന് പാകിസ്ഥാന്‍ മുന്‍ സ്പിന്നര്‍ ഡാനിഷ് കനേരിയ. വിറപ്പിക്കാന്‍ കെല്‍പ്പുള്ള സ്പിന്നര്‍മാര്‍ അഫ്ഗാനിസ്ഥാനൊപ്പമുണ്ടെന്നും പിച്ച് സ്പിന്നിനെ തുണച്ചാല്‍ കിവീസിന് കാര്യങ്ങള്‍ എളുപ്പമാകില്ലെന്നും കനേരിയ പറഞ്ഞു.
‘അഫ്ഗാനിസ്ഥാന് നിരവധി അന്താരാഷ്ട്ര മത്സരങ്ങള്‍ കളിച്ചിട്ടുള്ള ടീമാണ്. ടീമിലെ പ്രധാന താരങ്ങള്‍ ഐപിഎല്ലിലും കളിച്ചിട്ടുള്ളവരാണ്. ന്യൂസിലാന്റ് ശക്തരായ താരനിരയാണ്. എന്നാല്‍ ഒരു ടീമിനെയും ചെറുതായി കാണാനാവില്ല. അവര്‍ക്ക് നഷ്ടപ്പെടാനൊന്നുമില്ല. അവര്‍ ക്രീസിലേക്കെത്തി തങ്ങളുടേതായ ഷോട്ടുകള്‍ കളിച്ചാല്‍ എന്തും സംഭവിക്കാം. ഏത് സമയത്തും മത്സരം മാറി മറിയും.’
‘വലിയ ഗ്രൗണ്ടില്‍ അഫ്ഗാനിസ്ഥാന്റെ ബാറ്റിംഗ് നിര പ്രയാസപ്പെടുന്നു. വലിയ ഷോട്ടുകള്‍ ലക്ഷ്യത്തിലേക്കെത്തിക്കാന്‍ അവര്‍ക്കാവുന്നില്ല. എന്നാല്‍ പിച്ച് സ്പിന്നിനെ തുണച്ചാല്‍ അഫ്ഗാനിസ്ഥാന് തിളങ്ങാനാവുകയും ന്യൂസിലാന്റ് പ്രയാസപ്പെടുകയും ചെയ്യും’ കനേരിയ പറഞ്ഞു.
Read more
ഇന്നു നടക്കുന്ന മത്സരത്തില്‍ ന്യൂസീലാന്റ് ജയിച്ചാല്‍ അവര്‍ സെമിയില്‍ പ്രവേശിക്കും. ഇന്ത്യയും അഫ്ഗാനും സെമി കാണാതെ പുറത്താകും. അഫ്ഗാന് ജയിച്ചാല്‍, നമീബിയയെ പരാജയപ്പെടുത്തിയാല്‍ ഇന്ത്യയ്ക്ക് സെമിയിലെത്താം.
