ഇന്ത്യൻ ആരാധകർ ഒന്നടങ്കം കാത്തിരിക്കുകയാണ് യുവ താരം വൈഭവ് സൂര്യവംശിയുടെ അരങ്ങേറ്റത്തിനായി. ഇപ്പോഴിതാ സൂര്യവംശിക്ക് പ്ലേയിങ് ഇലവനില് നിര്ബന്ധമായും ഇടംനല്കണമെന്നാവശ്യപ്പെട്ട് മുന് ഇന്ത്യൻ താരം സുനില് ഗാവസ്കര് രംഗത്ത് എത്തിയിരിക്കുകയാണ്. ഇന്ത്യയുടെ പ്ലേയിങ് ഇലവനില് ഓപ്പണര്മാരായി സഞ്ജു സാംസണ് അഭിഷേക് ശര്മ സഖ്യമുണ്ടെങ്കിലും വൈഭവിനെ കളിപ്പിക്കാന് വൈകരുതെന്നാണ് ഗാവസ്കറുടെ നിലപാട്.
ഇംഗ്ലണ്ടിനും അയര്ലന്ഡിനുമെതിരായ പരമ്പരകള്ക്കുള്ള ഇന്ത്യന് ടീമില് വൈഭവും ഇടം പിടിച്ചിരുന്നു. ഐപിഎലില് തകര്ത്തുകളിച്ച താരം 776 റണ്സുമായി ഓറഞ്ച് ക്യാപ് വിജയിച്ചതോടെയാണ് ഇന്ത്യന് സീനിയര് ടീമില് ഉള്പ്പെടുത്തിയത്. എന്നാല് സഞ്ജു സാംസണും അഭിഷേക് ശര്മയും ഉള്പ്പടെ മികച്ച ഫോമിലായതിനാല് എവിടെ അദ്ദേഹത്തെ കളിപ്പിക്കും എന്നതാണ് നേരിടുന്ന വെല്ലുവിളി.
Read more
‘ഞാനായിരുന്നെങ്കില് അയര്ലന്ഡിനെതിരെ വൈഭവിനെ ഉറപ്പായും കളിപ്പിക്കും. അദ്ദേഹത്തിന്റെ കളി കാണാന് എനിക്ക് താല്പര്യമുണ്ട്. സഞ്ജു സാംസണിനോ, അഭിഷേക് ശര്മയ്ക്കോ പകരം വൈഭവിന് അവസരം കൊടുത്തു നോക്കണം. ഒരു മത്സരത്തില് ചിലപ്പോള് സഞ്ജു പുറത്തിരിക്കാം. അല്ലെങ്കില് അഭിഷേക് ശര്മ പുറത്തിരിക്കാം..’ -ഗാവസ്കര് ഒരു ദേശീയ മാധ്യമത്തോടു പറഞ്ഞു.
