വാഷിംഗ്ടൺ സുന്ദറിന്റെ പരിക്കിന്റെ രൂപത്തിൽ സൺറൈസേഴ്സ് ഹൈദരാബാദിന് (എസ്ആർഎച്ച്) കനത്ത തിരിച്ചടി. ഹൈദരാബാദ് ടീം തന്നെയാണ് ഈ വാർത്ത സ്ഥിതീകരിച്ചത്. ഹാംസ്ട്രിംഗ് ഇഞ്ച്വറി കാരണം വാഷിംഗ്ടൺ ഈ ടൂർണമെന്റിലെ ശേഷിച്ച മത്സരങ്ങൾ കളിക്കില്ല എന്നാണ് അവർ ട്വിറ്ററിൽ പങ്കുവെച്ചത്.
ഡെൽഹി ക്യാപിറ്റൽസിനെതിരായ തന്റെ അവസാന മത്സരത്തിൽ ഓൾറൗണ്ടർ മികച്ച പ്രകടനമാണ് പുറത്തെടുത്തത്. മൂന്ന് വിക്കറ്റ് നേട്ടം സ്വന്തമാക്കിയ താരം , 15 പന്തിൽ പുറത്താകാതെ 24 റൺസ് നേടുകയും ചെയ്തിരുന്നു . ഹാംസ്ട്രിംഗ് പരിക്ക് ആയതിനാൽ തന്നെ ഭേദമാകാൻ സമയം എടുക്കും. അതിനാൽ തന്നെയാണ് താരത്തിന് സീസൺ നഷ്ടമാകുന്നത്.
ഇതുവരെയുള്ള ഏഴ് മത്സരങ്ങളിൽ നിന്ന്, ഓൾറൗണ്ടർ ബാറ്റിംഗ് ഓർഡറിൽ 60 റൺസ് നേടുകയും മൂന്ന് വിക്കറ്റുകൾ വീഴ്ത്തുകയും ചെയ്തിട്ടുണ്ട്. 2022 ലെ മെഗാ ലേലത്തിൽ 8.75 കോടി രൂപയ്ക്കാണ് 23 കാരനെ എസ്ആർഎച്ച് കൂടെ കൂട്ടിയത്. ഹൈദരാബാദിനെ സംബന്ധിച്ച് അത്ര നല്ല രീതിയിൽ അല്ല കാര്യങ്ങൾ പോകുന്നത്, സീസണിൽ 2 ജയം മാത്രം നേടിയ ടീം പട്ടികയിൽ ഒമ്പതാം സ്ഥാനത്താണ്. ശേഷിക്കുന്ന 7 മത്സരങ്ങളിൽ 6 എണ്ണം ജയിച്ചാൽ മാത്രമേ ടീമിന് പ്ലേഓഫ് ഉറപ്പിക്കാൻ പറ്റു എന്നതാണ് അവസ്ഥ.
🚨 INJURY UPDATE 🚨
Washington Sundar has been ruled out of the IPL 2023 due to a hamstring injury.
Speedy recovery, Washi 🧡 pic.twitter.com/P82b0d2uY3
— SunRisers Hyderabad (@SunRisers) April 27, 2023
Read more