ഐപിഎല്ലില്‍ യഥാര്‍ത്ഥത്തില്‍ ആര്‍സിബിയ്ക്ക് പിഴയ്ക്കുന്നത് എവിടെയെന്ന് ചൂണ്ടിക്കാട്ടി ഇംഗ്ലണ്ട് മുന്‍ നായകന്‍ മൈക്കല്‍ വോണ്‍. ആര്‍സിബിയുടെ മധ്യനിരയില്‍ മികച്ച പവര്‍ ഹിറ്റര്‍മാരില്ലെന്നും ഇതാണ് അവര്‍ക്കു തിരിച്ചടിയാകുന്നതെന്നും വോന്‍ ചൂണ്ടിക്കാട്ടി.
ബാറ്റിംഗില്‍ ടോപ്പ് ത്രീയിലാണ് ആര്‍സിബിയുടെ കരുത്ത്. യുസ്വേന്ദ്ര ചഹലിനെ ആര്‍സിബി ഒഴിവാക്കിയത് ശരിയായില്ലെന്നു ഞാന്‍ കരുതുന്നു. ചഹലിനെ ആര്‍സിബി നിലനിര്‍ത്തേണ്ടതായിരുന്നു. ചഹലിനെ ഒഴിവാക്കി പകരം വനിന്ദു ഹസരംഗയ്ക്കു വേണ്ടി ഒരുപാട് പണം ചെലവഴിച്ചതും ശരിയാണെന്നു കരുതുന്നില്ല.
പകരം ചഹലിനെ ടീമില്‍ നിലനിര്‍ത്തി ഹസരംഗയ്ക്കു വേണ്ടി ഇറക്കിയ പണം കൊണ്ട് വമ്പനടിക്കാരനായ ഒന്നോ, രണ്ടോ ബാറ്ററെ ടീമിലെത്തിക്കണമായിരുന്നു. അങ്ങനെയെങ്കില്‍ അഞ്ചും ആറും സ്ഥാനങ്ങളില്‍ അവരെ കളിപ്പിക്കാം. ഏഴാം നമ്പറില്‍ ദിനേശ് കാര്‍ത്തിക്കിനെയും ബാറ്റിംഗിനു നിയോഗിക്കാമായിരുന്നു. അങ്ങനെയെങ്കില്‍ വളരെ മികച്ച ടീമായി ആര്‍സിബി മാറുമായിരുന്നു- മൈക്കല്‍ വോണ്‍ പറഞ്ഞു.
Read more
കൊല്‍ക്കത്ത നൈറ്റ്റൈഡേഴ്സിനെതിരേ ഇന്നലെ നടന്ന മല്‍സരത്തില്‍ 21 റണ്‍സിന്റെ തോല്‍വിയാണ് ആര്‍സിബി വഴങ്ങിയത്. ബാറ്റിംഗ് നിര നിറംമങ്ങിയതാണ് ആര്‍സിബിക്കു വിനയായത്. കോഹ്‌ലി, ഫാഫ് ഡുപ്ലെസി, മാക്‌സ്‌വെല്‍ എന്നിവര്‍ തിളങ്ങിയാല്‍ മാത്രമാണ് നിലവില്‍ ആര്‍സിബിയ്ക്ക് രക്ഷ.
