ലോക കായികരംഗത്തെ ഏറ്റവും വാശിയേറിയതും ആരാധകസമ്പുഷ്ടവുമായ പോരാട്ടങ്ങളിലൊന്നാണ് ഇന്ത്യയും പാകിസ്ഥാനും തമ്മിലെ ക്രിക്കറ്റ് മത്സരം. ഇരു രാജ്യങ്ങള്ക്കുമിടയിലെ നയതന്ത്ര, സൈനിക ബന്ധത്തിലെ അസ്വാരസ്യങ്ങള് ഇന്ത്യ-പാക് ക്രിക്കറ്റ് മത്സരങ്ങളെയും ബാധിക്കാറുണ്ട്. ഇന്ത്യയും പാകിസ്ഥാനും ഉഭയകക്ഷി ക്രിക്കറ്റ് കളിച്ചിട്ട് ഏറെ നാളായി. രണ്ടു രാജ്യങ്ങളും തമ്മിലെ ക്രിക്കറ്റ് പരമ്പരയുടെ സാധ്യതകളെ കുറിച്ച് പുതുതായി ചുമതലയേറ്റ പിസിബി അധ്യക്ഷന് റമീസ് രാജ തുറന്നുപറയുന്നു.
ഇപ്പോഴത്തെ അവസ്ഥയില് ഇന്ത്യ-പാക് ഉഭയകക്ഷി പരമ്പര അസംഭവ്യമാണ്. നമ്മള് തിടുക്കം കാട്ടുന്നില്ല. പാക്കിസ്ഥാനിലെ ആഭ്യന്തര, പ്രാദേശിക ക്രിക്കറ്റിന്റെ നിലവാരം മെച്ചപ്പെടുത്തുന്നതിലാണ് അടിയന്തര ശ്രദ്ധ. കായിക രംഗത്തെ മാതൃകകളെ രാഷ്ട്രീയം നശിപ്പിക്കുന്നു. ഇന്ത്യ-പാക് ക്രിക്കറ്റ് ബന്ധത്തില് തത്കാലം നിലവിലെ സ്ഥിതി തുടരും – റമീസ് രാജ പറഞ്ഞു.
Read more
ലോക കപ്പില് ഇന്ത്യക്കെതിരായ മോശം പ്രകടനത്തിന്റെ ചരിത്രം മാറ്റിയെഴുതണമെന്ന് പാക് കളിക്കാരോട് ആവശ്യപ്പെട്ടിട്ടുണ്ട്. മത്സരത്തിനുവേണ്ടി പൂര്ണമായും സമര്പ്പിക്കാനാണ് നിര്ദേശിച്ചിട്ടുള്ളത്. ടീമിലെ സ്ഥാനത്തെക്കുറിച്ച് ചിന്തിക്കാതെ ഭയരഹിതമായി കളിക്കാന് താരങ്ങളോട് പറഞ്ഞതായും, ട്വന്റി20 ലോകകപ്പിലെ ഇന്ത്യ-പാക് മത്സരം സംബന്ധിച്ച ചോദ്യത്തിന് മറുപടിയായി റമീസ് രാജ കൂട്ടിച്ചേര്ത്തു.