ശ്രീലങ്കയുമായുള്ള പരമ്പരയില്‍ സഞ്ജു സാംസണ്‍ ഒരു കാര്യം ചയ്യരുതെന്ന ഉപദേശവുമായി ലങ്കന്‍ ഇതിഹാസം കുമാര്‍ സംഗക്കാര. സ്റ്റാര്‍ സ്പോര്‍ട്സിന്റെ എ ചാറ്റ് വിത്ത് ചാംപ്യന്‍സ് എന്ന ഷോയില്‍ സംസാരിക്കവെയായിരുന്നു ഐപിഎല്ലിലെ തന്റെ പ്രിയ ശിഷ്യന് സംഗക്കാര ഒരു ഉപദേശം നല്‍കിയത്.
സ്വന്തം കഴിവ് തെളിയിക്കാന്‍ ഇതു അവസാന അവസരമാണെന്നു ചിന്തിച്ച് അതിനു വേണ്ടി പരമാവധി ശ്രമിക്കാന്‍ പാടില്ലെന്നാണ് സംഗക്കാര സഞ്ജുവിനെ ഉപദേശിച്ചിരിക്കുന്നത്. സഞ്ജുവിന് എല്ലാം ഗുണങ്ങളുമുണ്ട്. അവന്‍ അതിശയിപ്പിക്കുന്ന ചെറുപ്പക്കാരനാണ്. കഴിവും സ്വഭാവഗുണവുമെല്ലം സഞ്ജുവിനുണ്ട്. അതുകൊണ്ടു തന്നെ ഇതില്‍ വിശ്വസിച്ച് കളിക്കുക, അവസാന ചാന്‍സെന്നു ചിന്തിച്ച് പോരാട്ടത്തിനു മുതിരരുത്.
ആ ദിവസം തന്നിലേക്കു വരുന്ന കാര്യങ്ങളുമായി പൊരുത്തപ്പെടുന്നുവെന്ന് ഉറപ്പ് വരുത്തുക. അതിനു ശേഷം ക്രീസിലേക്കു വന്ന് സ്ഥിരം ശൈലിയില്‍ ആസ്വദിച്ച് കളിക്കൂ. കാര്യങ്ങള്‍ വളരെ സിംപിളായി നിര്‍ത്താന്‍ സഞ്ജു സാംസണ്‍ ശ്രമിക്കണം. സ്വന്തം ബാറ്റിംഗില്‍ മാത്രം ശ്രദ്ധിച്ചാല്‍ മതി. ഐപിഎല്ലില്‍ കളിക്കുന്നതും ഇന്ത്യക്കു വേണ്ടി കളിക്കുന്നതും രണ്ടാണ്.
ഇന്ത്യന്‍ ടീമില്‍ തന്റെ ജോലിയെന്താണെന്നു സഞ്ജു മനസ്സിലാക്കുകയും അതില്‍ ശ്രദ്ധ കേന്ദ്രീകരിക്കുകയും വേണം. ബാറ്റ് ചെയ്യാന്‍ ക്രീസിലേക്കു വന്നാല്‍ വളരെ റിലാക്സായി അതു നന്നായി ചെയ്യാന്‍ ശ്രമിക്കുകയാണ് വേണ്ടത്- സംഗക്കാര ഉപദേശിച്ചു.
Read more
ലങ്കയുമായുള്ള മൂന്നു ടി20കളുടെ പരമ്പരയില്‍ സഞ്ജു ഇടംപിടിച്ചിരുന്നു. വിക്കറ്റ് കീപ്പര്‍ ബാറ്ററായി ഇഷാന്‍ കിഷന്‍ ടീമിലിടം പിടിച്ചപ്പോള്‍ ബാറ്ററുടെ റോളിലാണ് സഞ്ജു ഇടംപിടിച്ചിരിക്കുന്നത്. അടുത്ത മാസം മൂന്നിനാണ് പരമ്പരയിലെ ആദ്യ മത്സരം.
