വിന്ഡീസ് പര്യടനത്തില് നിന്നും സ്വയം പിന്മാറാനുളള ധോണിയുടെ തീരുമാനം പുറത്ത് വന്നതിന് പിന്നാലെ ഇന്ത്യന് വിക്കര് കൂപ്പര്ക്കെതിരെ സോഷ്യല് മീഡിയയില് പരിഹാസപ്പെരുമഴ. രണ്ട് മാസം സൈനിക സേവനത്തിനായി വിനിയോഗിക്കാനാണ് ധോണി വിന്ഡീസ് പര്യടനത്തില് നിന്നും സ്വയം പിന്മാറിയത്.
എന്നാല് ടീമില് സ്ഥാനം ലഭിക്കില്ലെന്ന് ഉറപ്പായ ധോണി നടത്തുന്ന നാടകമാണ് സൈനിക സേവനം എന്നാണ് ഒരു വിഭാഗം ക്രിക്കറ്റ് ആരാധകര് വാദിക്കുന്നത്. ധോണിയെ പരിഹസിച്ച് നിരവധി ട്രോളുകളാണ് വിവിധ ഫെയ്സ്ബുക്ക് പേജുകളില് പാറി നടക്കുന്നത്.
ആര്മിയിലെ പാരച്ച്യൂട്ട് റെജിമെന്റിലെ ലഫ്നന്റ് കേണലാണ് ധോണി. സൈന്യത്തിനായി എന്ത് സേവനമാണ് ധോണി ഉദ്ദേശിക്കുന്നതെന്ന് വ്യക്തമല്ല.
ഇതോടെ വെസ്റ്റിന്ഡീസ് പര്യടനത്തില് റിഷഭ് പന്താകും ഇന്ത്യയുടെ ഫസ്റ്റ് വിക്കറ്റ് കീപ്പര്. ടെസ്റ്റില് സാഹയുടെ തിരിച്ചുവരവ് ഏതാണ്ട് ഉറപ്പിച്ചിട്ടുണ്ട്.
Read more
അതെസമയം ധോണി ഇപ്പോള് ക്രിക്കറ്റില് നിന്നും വിരമിക്കാന് ഉദ്ദേശിക്കുന്നില്ലെന്നാണ് സൂചനകള്. ധോണിയുടെ സുഹൃത്തും ബിസിനസ് പങ്കാളിയുമായ അരുണ് പാണ്ഡ്യയാണ് ഇക്കാര്യം വെളിപ്പെടുത്തിയിരിക്കുന്നത്. ധോണിയുടെ വിരമിക്കലുമായി ബന്ധപ്പെട്ട് ഊഹാപോഹങ്ങള് വ്യാപകമായി പ്രചരിക്കുന്നതിനിടേയാണ് സുഹൃത്ത് ധോണിയുടെ നിലപാടെന്ന് അവകാശപ്പെട്ട് രംഗത്തെത്തിയിരിക്കുന്നത്.