ടൈംസ് ഓഫ് ഇന്ത്യയുടെ സമീപകാല റിപ്പോർട്ട് പ്രകാരം, ഐപിഎൽ 2023 കിരീടം നേടിയ ചെന്നൈ സൂപ്പർ കിംഗ്‌സ് (സിഎസ്‌കെ) ടീമിൻ്റെ അവിഭാജ്യ ഘടകവും സ്റ്റാർ ഓൾറൗണ്ടറുമായ ശിവം ദുബെയ്ക്ക് പരിക്ക് പറ്റിയെന്നാണ് ആരാധകർക്ക് നിരാശയായ വാർത്ത. സൈഡ് സ്ട്രെയിൻ പരിക്ക് കാരണം താരത്തിന് കുറച്ചുനാൾ കളിക്കളത്തിൽ നിന്ന് വിട്ടുനിൽക്കേണ്ട അവസ്ഥ വന്നേക്കാം.
നടന്നുകൊണ്ടിരിക്കുന്ന രഞ്ജി ട്രോഫി 2024 സീസണിലെ മുംബൈ vs അസം മത്സരത്തിനിടെയാണ് ദുബെയ്ക്ക് പരിക്കേറ്റത്, അവിടെ അദ്ദേഹം സെഞ്ച്വറി നേടിയിരുന്നു . നിർഭാഗ്യവശാൽ, ഈ പരിക്ക് അദ്ദേഹത്തിന് രഞ്ജി സീസൺ നഷ്ടമാകുന്ന ഘട്ടത്തിലേക്ക് കാര്യങ്ങൾ എത്തിച്ചു. ഐപിഎൽ 2024 ആരംഭിക്കാൻ കുറച്ച് ദിവസങ്ങൾ മാത്രം ബാക്കി നിൽക്കെ ഇത് ചെന്നൈക്ക് നിരാശ പകർത്തുന്ന വാർത്തയാണ്.
“ദുബെയ്ക്ക് ഒരു സ്ട്രെയിൻ പരിക്ക് നേരിടുകയാണ്, രഞ്ജി ട്രോഫി സീസണിൻ്റെ ബാക്കിയുള്ളത് നഷ്‌ടമായേക്കാം. അസമിനെതിരായ സമീപകാല മത്സരത്തിൽ ബാറ്റിംഗിനിടെ പരിക്കേറ്റ അദ്ദേഹത്തിന് ഈ രഞ്ജി സീസൺ നഷ്ടമായി. പരിക്കിനെ ഗ്രേഡ്-വൺ ടിയർ ആയി തരം തിരിച്ചിരിക്കുന്നു. അദ്ദേഹത്തിന് പകരക്കാരനായി മുഷീർ ഖാൻ ടീമിൽ കളിക്കും”റിപ്പോർട്ട് പറയുന്നു
താരത്തിന്റെ പരിക്ക് ഗുരുതരം ആയ അവസ്ഥ ആയി നിൽക്കെ സീസൺ തുടക്കം നഷ്ടമാകാനുള്ള സാധ്യതകൾ വളരെ കൂടുതലാണ്.
തങ്ങളുടെ കിരീടം സംരക്ഷിക്കാനും റെക്കോർഡ് ആറാം ഐപിഎൽ കിരീടം നേടാനും നോക്കുന്ന ചെന്നൈ , ഇപ്പോൾ ബദൽ ഓപ്ഷനുകൾ പരിഗണിക്കേണ്ടതുണ്ട്. ഇന്ത്യയുടെ U-19 ലോകകപ്പ് 2024 കാമ്പെയ്‌നിൽ തൻ്റെ കഴിവ് പ്രദർശിപ്പിച്ച സർഫറാസ് ഖാൻ്റെ പ്രതിഭാധനനായ സഹോദരൻ മുഷീർ ഖാൻ ദുബെയുടെ പകരക്കാരനാകുമെന്ന് ഊഹിക്കപ്പെടുന്നു.
Read more
ഐപിഎൽ 2023 ലെ അവരുടെ കിരീട നേട്ടത്തിലെ നിർണായക പങ്ക് കണക്കിലെടുക്കുമ്പോൾ, താരത്തിന്റെ അഭാവം സിഎസ്‌കെക്ക് കാര്യമായ പ്രഹരമാണ്. സീസണിൽ താരത്തിന്റെ ചിറകിലേറി ആയിരുന്നു ചെന്നൈയുടെ കുതിപ്പ്. 160 ന് അടുത്ത് സ്‌ട്രൈക്ക് റേറ്റിൽ 418 റൺസ് താരം സീസണിൽ നേടി.
