ഇന്ത്യന്‍ താരം ആര്‍ അശ്വിനെതിരെ രൂക്ഷ വിമര്‍ശനവുമായി മുന്‍ സ്പിന്നര്‍ ലക്ഷ്മണ്‍ ശിവരാമകൃഷ്ണന്‍. അശ്വിന്‍ വിളിച്ചിട്ട് ഫോണെടുക്കുന്നില്ലെന്നും ബഹുമാനമില്ലാത്ത താരമാണെന്നും ലക്ഷ്മണ്‍ എക്സില്‍ കുറിച്ചു.
100ാം ടെസ്റ്റ് കളിക്കുന്നതില്‍ അഭിനന്ദിക്കാന്‍ അശ്വിനെ ഒന്ന് രണ്ട് തവണ ഫോമില്‍ വിളിച്ചു. എന്നാല്‍ എന്റെ ഫോണ്‍ അവന്‍ കട്ടാക്കുകയാണ് ചെയ്തത്. സന്ദേശം അയച്ചെങ്കിലും മറുപടിയില്ല. മുന്‍ താരങ്ങള്‍ക്ക് അവന്‍ നല്‍കുന്ന ബഹുമാനം ഇതാണ്’ എന്നാണ് അശ്വിനെ പ്രശംസിച്ചുകൊണ്ട് ഒരു ആരാധകന്‍ കുറിച്ചതിന് മറുപടിയായി ലക്ഷ്മണ്‍ പോസ്റ്റ് ചെയ്തത്.
നേരത്തെയും ഇത്തരത്തില്‍ അശ്വിനെ കടന്നാക്രമിച്ച് ലക്ഷ്മണ്‍ രംഗത്തുവന്നിട്ടുണ്ട്. അശ്വിന്‍ സ്വാര്‍ത്ഥനാണെന്നും സ്വന്തം റെക്കോഡുകളെക്കുറിച്ച് മാത്രം ചിന്തിക്കുന്നവനാണെന്നും ലക്ഷ്മണ്‍ പറഞ്ഞിരുന്നു. ഇന്ത്യയില്‍ മാത്രമാണ് അശ്വിന്‍ മികച്ചവനെന്നും സെന രാജ്യങ്ങളില്‍ അശ്വിന്റെ കണക്കുകള്‍ മോശമാണെന്നും അദ്ദേഹം പറഞ്ഞിട്ടുണ്ട്.
Read more
ഇന്ത്യ-ഇംഗ്ലണ്ട് ടെസ്റ്റ് പരമ്പരയിലെ അഞ്ചാമത്തെയും അവസാനത്തെയും മത്സരം മാര്‍ച്ച് 7 വ്യാഴാഴ്ച ധര്‍മ്മശാലയിലെ എച്ച്പിസിഎ സ്റ്റേഡിയത്തില്‍ ആരംഭിക്കും. ആര്‍ അശ്വിന്റെ 100ാം ടെസ്റ്റാണ് ഇത്. പരമ്പരയിലെ ആദ്യ മത്സരം സന്ദര്‍ശകര്‍ വിജയിച്ചപ്പോള്‍ രണ്ടാമത്തെയും മൂന്നാമത്തെയും നാലാമത്തെയും ടെസ്റ്റുകള്‍ വിജയിച്ച് രോഹിത് ശര്‍മ്മയുടെ നേതൃത്വത്തിലുള്ള ടീം ഇന്ത്യ ഇതിനകം തന്നെ പരമ്പര സ്വന്തമാക്കിക്കഴിഞ്ഞു.
