പറയുമ്പോൾ എല്ലാം പറയണം, ഓസ്‌ട്രേലിയൻ ടീമിനെ കുറിച്ച് ഞെട്ടിപ്പിക്കുന്ന വിവരവുമായി നായകൻ ഫിഞ്ച്

ഓസ്‌ട്രേലിയൻ ക്യാപ്റ്റൻ ആരോൺ ഫിഞ്ച് തന്റെ ടീം “തളർന്നു” എന്ന് സമ്മതിച്ചു, ട്വന്റി 20 ലോകകപ്പ് കിരീടം പ്രതിരോധിക്കുന്നതിന് മുമ്പ് തങ്ങൾ ഫ്രഷ് ആകേണ്ടതുണ്ടെന്നും ഇപ്പോൾ തളർന്ന അവസ്ഥയിലാണെന്നും തുറന്ന് പറഞ്ഞിരിക്കുകയാണ്.

ഇംഗ്ലീഷിനെതിരായ മങ്ങിയ മൂന്ന് മത്സരങ്ങളുടെ പരമ്പരയ്ക്ക് ശേഷം പ്രാഥമിക റൗണ്ടോടെ ഞായറാഴ്ച ആരംഭിക്കുന്ന സ്വന്തം മണ്ണിലെ രാജകിയമായ ടൂര്ണമെന്റിലേക്ക് കിരീടം മാത്രം ലക്ഷ്യമിട്ടാണ് ഇറങ്ങുന്നത് എന്നത് ശ്രദ്ധിക്കേണ്ടതാണ്.

“ഇപ്പോൾ കുട്ടികൾ അൽപ്പം ക്ഷീണിച്ചിട്ടുണ്ടാകുമെന്ന് ഞാൻ കരുതുന്നു,”

“കഴിഞ്ഞ ആറ് മുതൽ എട്ട് ആഴ്‌ചകളായി ഷെഡ്യൂൾ വളരെ നിറഞ്ഞിരിക്കുന്നു, കുറച്ച് മാസങ്ങൾക്ക് മുമ്പ് ഞങ്ങൾ തിരിച്ചറിഞ്ഞു, ലോകകപ്പിന് മുമ്പ് പൂർണമായി ഫ്രഷ് ആയി ഇറങ്ങണമെന്നാണ് ഞാൻ ആഗ്രഹിക്കുന്നത്.

ഇംഗ്ലണ്ടിനെതിരായ രണ്ടാം ടി20യില്‍ ഫീല്‍ഡിംഗിനിടെ കഴുത്തിന് പരിക്കേറ്റ വാർണറുടെ കാര്യത്തിലും ആശങ്കയുണ്ട്. ക്യാച്ചെടുക്കുന്നതിനിടെ തലയിടിച്ച് വീഴുകയായിരുന്നു. എന്നാല്‍ ന്യൂസിലന്‍ഡിനെതിരെ ഒക്ടോബര്‍ 19ന് നടക്കുന്ന രണ്ടാം വാംഅപ് മത്സരത്തില്‍ വാര്‍ണര്‍ കളിക്കുമെന്നും ക്യാപ്റ്റന്‍ ആരോണ്‍ ഫിഞ്ച് വ്യക്തമാക്കിയിരുന്നു. ഇന്ത്യക്കെതിരെ താരം കളിച്ചേക്കില്ല.