ഗുജറാത്ത് മുൻ മുഖ്യമന്ത്രി ആനന്ദി ബെൻ പട്ടേലിനെ മധ്യപ്രദേശ് ഗവർണറായി നിയമിച്ചു. മധ്യപ്രദേശ് ഗവർണറുടെ ചുമതല ഒഴിഞ്ഞുകിടന്നതിനെ തുടർന്ന് ഗുജറാത്ത് ഒ.പി കോഹ്ലിക്കായിരുന്നു സംസ്ഥാനത്തിന്‍റെ അധിക ചുമതല നൽകിയിരുന്നത്.
2016ൽ ഗുജറാത്ത് മുഖ്യമന്ത്രി കസേരയിൽനിന്ന് ഒഴിവാക്കപ്പെട്ട ആനന്ദിബെൻ പട്ടേൽ അടുത്തിടെ നടന്ന നിയമസഭാ തെരഞ്ഞെടുപ്പിൽ മത്സരിച്ചിരുന്നില്ല. 2014 ൽ നരേന്ദ്രമോദി പ്രധാനമന്ത്രിയായതിനെ തുടർന്നാണ് ഗുജറാത്തിൽ ആനന്ദിബെൻ മുഖ്യമന്ത്രിയായത്. ഗുജറാത്തിലെ ആദ്യ വനിതാ മുഖ്യമന്ത്രിയായിരുന്നു ബെൻ. 2016 ൽ രാജിവച്ചൊഴിഞ്ഞു.
Read more
2002 മുതൽ 2007 വരെ ഗുജറാത്തിലെ ബിജെപി സർക്കാരിൽ വിദ്യാഭ്യാസ മന്ത്രിയായിരുന്നു ഇവർ. ഗുജറാത്തിൽ മന്ത്രിപദം വഹിച്ചശേഷം ഗവർണറാകുന്ന രണ്ടാമത് വ്യക്തിയാണ് ആനന്ദിബെൻ പട്ടേൽ.
