സ്വതന്ത്രവ്യാപാര കരാര്‍ ചര്‍ച്ചകള്‍ നിര്‍ത്തിവച്ച് ഇന്ത്യയും കാനഡയും. ഇരു രാജ്യങ്ങളും തമ്മിലുള്ള നയതന്ത്ര ബന്ധം മോശമാകുന്നതിനെ തുടർന്നായിരുന്നു നടപടി. തമ്മിലുള്ള രാഷ്ട്രീയ പ്രശ്നങ്ങള് പരിഹരിച്ചതിന് ശേഷം ചര്‍ച്ചകള്‍ പുനരാരംഭിക്കുമെന്നാണ് അധികൃതർ അറിയിക്കുന്നത്.
”കാനഡയില്‍ ചില രാഷ്ട്രീയ സംഭവവികാസങ്ങള്‍ ഉണ്ടായിട്ടുണ്ട്, അതില്‍ ഇന്ത്യ എതിര്‍പ്പ് ഉന്നയിച്ചിട്ടുണ്ട്. കാനഡയിലെ ചില രാഷ്ട്രീയ സംഭവവികാസങ്ങള്‍ക്കെതിരെ ഇന്ത്യ ശക്തമായ നീരസം പ്രകടിപ്പിച്ചിട്ടുണ്ട്, അതിനാല്‍ തല്‍ക്കാലം ഈ രാഷ്ട്രീയ പ്രശ്നങ്ങള് പരിഹരിക്കപ്പെടുന്നതുവരെ ഞങ്ങള്‍ ചര്‍ച്ചകള്‍ താല്‍ക്കാലികമായി നിര്‍ത്തിവച്ചിരിക്കുകയാണ്,’ ഉദ്യോഗസ്ഥര്‍ പറഞ്ഞു. ”ഈ രാഷ്ട്രീയ പ്രശ്നങ്ങള് പരിഹരിക്കപ്പെടുന്ന നിമിഷം, ചര്‍ച്ചകള്‍ പുനരാരംഭിക്കും. അതിനാല്‍, ഇത് ഒരു താല്‍ക്കാലിക വിരാമം മാത്രമാണ്, ”ഉദ്യോഗസ്ഥര്‍ പറഞ്ഞു.
ഈ മാസം 9 , 10 തീയതികളിൽ ഇന്ത്യയിൽ നടന്ന ജി 20 ഉച്ചകോടിയിൽ പങ്കെടുക്കാൻ കനേഡിയൻ പ്രധാന മന്ത്രി ജസ്റ്റിൻ ട്രൂഡോയും, പ്രതിനിധികളും പങ്കെടുത്തിരുന്നു. ഉച്ചകോടി കഴിഞ്ഞും രണ്ടു ദിവസം ഇന്ത്യയിൽ തങ്ങിയാണ് അവർ മടങ്ങിയത്. എന്നാൽ ഉച്ചകോടിക്ക് മുൻപ് തന്നെ ഇന്ത്യയുമായുള്ള വ്യാപാര കരാര്‍ ചര്‍ച്ചകള്‍ നിര്‍ത്തിവെച്ചതായി കാനഡ സെപ്റ്റംബര്‍ 2ന് പ്രഖ്യാപിച്ചിരുന്നു.
Read more
വിഘടനവാദം പ്രോത്സാഹിപ്പിക്കുകയും നയതന്ത്രജ്ഞര്‍ക്കെതിരെ അക്രമം അഴിച്ചുവിടുകയും ഇന്ത്യന്‍ സമൂഹത്തെ ഭീഷണിപ്പെടുത്തുകയും ചെയ്യുന്ന കാനഡയിലെ തീവ്രവാദ ഘടകങ്ങളുടെ ഇന്ത്യാ വിരുദ്ധ പ്രവര്‍ത്തനങ്ങള്‍ തുടരുന്നതിനെക്കുറിച്ച് പ്രധാനമന്ത്രി നരേന്ദ്ര മോദി സെപ്തംബര്‍ 10 ന് കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡോയെ ആശങ്ക അറിയിച്ചിരുന്നു.എന്നാൽ ഈ വിഷയത്തിൽ കൂടുതൽ ചർച്ചകൾ ഉണ്ടായില്ല.
