രാജ്യത്ത് കോവിഡ് രോഗബാധിതരുടെ എണ്ണം കുറയുന്നു. കഴിഞ്ഞ 24 മണിക്കൂറിൽ കോവിഡ് സ്ഥിരീകരിച്ചത് 32,080 പേർക്കാണ് . ഇതോടെ ആകെ ചികിൽസയിലുള്ളവരുടെ എണ്ണം 3,78,909 ആയതായി ആരോഗ്യ കുടുംബക്ഷേമ മന്ത്രാലയം അറിയിച്ചു. 36.635 പേർ കഴിഞ്ഞ ദിവസം മാത്രം രോഗമുക്തി തേടി.
ഇതുവരെ 92,15,581 പേർക്കാണ് രോഗം ഭേദമായത്. 94.66 ശതമാനമാണ് രോഗമുക്തിനിരക്ക്. 97,35,850 പേർക്കാണ് രാജ്യത്ത് ഇതുവരെ കോവിഡ് ബാധിച്ചത്. 402 പേർ രോഗംബാധിച്ച് മരിക്കുകയും ചെയ്തു. ഇതോടെ ആകെ മരണസംഖ്യ 1,41,360 ആയി ഉയർന്നു.
Read more
അതേസമയം, രാജ്യത്ത് കോവിഡ് വാക്സിൻ എപ്പോൾ എത്തുമെന്നതിൽ ബുധനാഴ്ച അന്തിമ തീരുമാനമുണ്ടാകുമെന്നാണ് സൂചന. ഫൈസർ, സെറം ഇൻസ്റ്റിറ്റ്യൂട്ട്, ഭാരത് ബയോടെക് തുടങ്ങിയ കമ്പനികളാണ് വാക്സിന് അനുമതി തേടി സർക്കാരിനെ സമീപിച്ചിരിക്കുന്നത്.