ക്രൂ-11 ഡ്രാഗൺ പേടകം ഭൂമിയിലിറങ്ങി. ഇന്നുച്ചയ്ക്ക് ഇന്ത്യന് സമയം 2:12-ഓടെയാണ് സ്പേസ്എക്സിന്റെ ഡ്രാഗൺ എൻഡവർ പേടകം കാലിഫോര്ണിയ തീരത്ത് സ്പ്ലാഷ്ഡൗണ് ചെയ്തത്. ആരോഗ്യപ്രശ്നം നേരിടുന്ന ബഹിരാകാശ സഞ്ചാരിയടക്കമുള്ള നാലംഗ സംഘവുമായാണ് അന്താരാഷ്ട്ര ബഹിരാകാശ നിലയത്തില് (ഐഎസ്എസ്) നിന്ന് നാസയുടെ ക്രൂ-11 ദൗത്യ സംഘം യാത്രതിരിച്ചത്.
ബഹിരാകാശ നിലയത്തില് നിന്ന് അണ്ഡോക്ക് ചെയ്ത ശേഷം പത്തരം മണിക്കൂര് സമയമെടുത്താണ് ഡ്രാഗണ് പേടകത്തിന്റെ ലാന്ഡിംഗ്. ഓസ്ട്രേലിയക്ക് മുകളിലൂടെ സഞ്ചരിക്കുമ്പോഴായിരുന്നു പേടകത്തിന്റെ അൺഡോക്കിങ് പ്രക്രിയ പൂർത്തിയായത്. പ്രത്യേക ബോട്ടുപയോഗിച്ച് ഡ്രാഗണ് എന്ഡവര് പേടകത്തെ വീണ്ടെടുത്ത് യാത്രികരെ സുരക്ഷിതരായി കരയിലെത്തിക്കും. നാല് ബഹിരാകാശ സഞ്ചാരികളെയും വിശദമായ ആരോഗ്യ പരിശോധനകള്ക്ക് വിധേയരാക്കും.
അന്താരാഷ്ട്ര ബഹിരാകാശ നിലയത്തില് നിന്ന് ഇന്ന് പുലര്ച്ചെയായിരുന്നു ഡ്രാഗൺ എൻഡവർ പേടകത്തിന്റെ അൺഡോക്കിങ് പ്രക്രിയ. ഓസ്ട്രേലിയയ്ക്ക് മുകളിലൂടെ സഞ്ചരിക്കുമ്പോഴായിരുന്നു ഐഎസ്എസില് നിന്ന് വേര്പ്പെട്ട് ഡ്രാഗണ് എന്ഡവര് ഭൂമി ലക്ഷ്യമാക്കി യാത്ര പുറപ്പെടുത്തത്. ഭ്രമണപഥത്തിൽ നിന്ന് ഭൂമിയിലേക്ക് പേടകത്തെ ഇറക്കുന്ന ഡീ ഓർബിറ്റ് ജ്വലനം മുന്നിശ്ചയിച്ച പ്രകാരം 1:21-ന് തന്നെ നടന്നു. 2:12-ന് കാലിഫോർണിയയുടെ തീരത്തോട് ചേർന്ന് ശാന്ത സമുദ്രത്തില് ഇറങ്ങിയ ഡ്രാഗണ് എന്ഡവര് പേടകത്തെ കടലിൽ നിന്ന് വീണ്ടെടുക്കാനുള്ള ചുമതല സ്പേസ്എക്സിന്റെ പ്രത്യേക സംഘത്തിനാണ്.
Read more
