വിവാദമായ പൊലീസ് നിയമ ഭേദഗതി ഉടൻ നടപ്പാക്കില്ലെന്ന് മുഖ്യമന്ത്രി പിണറായി വിജയൻ വ്യക്തമാക്കിയതിന് പിന്നാലെ പ്രശംസിച്ച് മുതിർന്ന അഭിഭാഷകകൻ പ്രശാന്ത് ഭൂഷൺ.
പൊതുജനാഭിപ്രായം മാനിക്കുന്ന ചില മുഖ്യമന്ത്രിമാർ നമ്മുടെ നാട്ടിൽ ഇപ്പോഴും ഉണ്ടെന്നറിയുന്നത് വലിയ സംതൃപ്തി തരുന്നെന്ന് അദ്ദേഹം ട്വീറ്റ് ചെയ്തു.
Glad to hear this @vijayanpinarayi. It is gratifying to learn that there are still some CMs who are sensitive to Independent public opinion https://t.co/95teH5OoUK
— Prashant Bhushan (@pbhushan1) November 23, 2020
എല്ലാ കക്ഷികളുമായി ചർച്ച നടത്തി അഭിപ്രായം ആരാഞ്ഞ ശേഷം മാത്രമേ നിയമ ഭേദഗതി നടപ്പാക്കൂ എന്നും ഇതിന്റെ ഭാഗമായി നിയമസഭയിൽ വിശദമായി ചർച്ച ചെയ്യുമെന്നുമാണ് മുഖ്യമന്ത്രി പറഞ്ഞത്.
Read more
കഴിഞ്ഞ ദിവസം നിയമ ഭേദഗതിക്കെതിരെ പ്രശാന്ത് ഭൂഷൺ രൂക്ഷമായി പ്രതികരിച്ചിരുന്നു. വ്യക്തികളെ അപകീർത്തിപ്പെടുത്തിയാൽ 5 വർഷം വരെ തടവുശിക്ഷ ലഭിക്കാവുന്ന ഭേദഗതിയെ നിർദ്ദയമായ നടപടിയാണെന്നാണ് ഭൂഷൺ ട്വിറ്ററിലൂടെ വിശേഷിപ്പിച്ചത്.
