മുഖ്യമന്ത്രി പിണറായി വിജയന് എതിരെ പ്രതിഷേധ സാധ്യത കണക്കിലെടുത്ത് പാലക്കാട് യൂത്ത് കോണ്ഗ്രസ് പ്രവര്ത്തകര് കരുതല് കസ്റ്റഡിയില്. പിണറായി വിജയന് ജില്ലയില് എത്തുന്ന പശ്ചാത്തലത്തിലാണ് പൊലീസ് നീക്കം. പാലക്കാട് സൗത്ത് പൊലീസാണ് ഇവരെ കസ്റ്റഡിയിലെടുത്തത്. ജില്ലാ വൈസ് പ്രസിഡന്റ് വിനോദ് ചെറാട് അടക്കം ഏഴ് യൂത്ത് കോണ്ഗ്രസ് പ്രവര്ത്തകരെയാണ് കസ്റ്റഡിയില് എടുത്തിരിക്കുന്നത്.
രണ്ട് ഏരിയ കമ്മിറ്റി ഓഫീസുകളുടെ ഉദ്ഘാടനമടക്കം പാലക്കാട് മൂന്ന് പരിപാടികളിലാണ് മുഖ്യമന്ത്രി പങ്കെടുക്കുക. ഇന്ധന സെസ് വര്ധനവ് അടക്കമുള്ള വിഷയങ്ങളില് മുഖ്യമന്ത്രി പിണറായി വിജയന് എതിരെ യൂത്ത് കോണ്ഗ്രസ് സംസ്ഥാന വ്യാപകമായി പ്രതിഷേധിക്കുന്നുണ്ട്.
കഴിഞ്ഞദിവസങ്ങളില് മുഖ്യമന്ത്രിക്ക് നേരെ വിവിധയിടങ്ങളില്വെച്ച് കരിങ്കൊടി കാണിച്ചിരുന്നു. രാവിലെ 11ഓടെയാണ് മുഖ്യമന്ത്രിയുടെ ആദ്യ പരിപാടി. പാലക്കാട് ഏരിയ കമ്മിറ്റിയുടെ പുതിയ ഓഫീസിന്റെ ഉദ്ഘാടനമാണ് മുഖ്യമന്ത്രി നിര്വഹിക്കുക.
Read more
അതേസമയം, കൊച്ചിയില് നടന്ന പ്രതിഷേധത്തില് കെഎസ്യു വനിതാ നേതാവിനെ പുരുഷ പൊലീസ് കയ്യേറ്റം ചെയ്തതിന് എതിരെ പ്രതിപക്ഷം രംഗത്തുവന്നിരുന്നു. യൂത്ത് കോണ്ഗ്രസ് പ്രവര്ത്തകര് കളമശേരിയില് നടത്തിയ പ്രതിഷേധത്തിനിടയില് കെഎസ്യു ജില്ലാ സെക്രട്ടറി മിവ ജോളിയെ പൊലീസ് ഉദ്യോഗസ്ഥന് വസ്ത്രത്തില് പിടിച്ച് വലിച്ചുകൊണ്ടുപോകുന്നതിന്റെ ദൃശ്യം പുറത്തുവന്നിരുന്നു.