നടന്മാരായ പൃഥ്വിരാജിന്റെയും ദുൽഖറിന്റെയും വീട്ടിൽ കസ്റ്റംസ് റെയ്ഡ്. ഭൂട്ടാനിൽ നിന്ന് നികുതി വെട്ടിച്ച് ആഡംബര വാഹനം വാങ്ങിയെന്ന സംശയത്തെ തുടർന്നാണ് റെയ്ഡ്. ഓപ്പറേഷൻ നംഖോറിന്റെ ഭാഗമായാണ് റെയ്ഡ്.ദുൽഖറിന്റെ പനമ്പിള്ളി നഗറിലെ വീട്ടിലും പൃഥ്വിരാജിന്റെ തേവരയിലെ വീട്ടിലുമാണ് പരിശോധന.
പൃഥ്വിരാജിന്റെ തിരുവനന്തപുരത്തെ വീട്ടിൽ കസ്റ്റംസ് സംഘം എത്തിയെങ്കിലും അവിടെ വാഹനങ്ങൾ ഇല്ലാത്തതിനാൽ പരിശോധന നടത്താതെ മടങ്ങിപോവുകയായിരുന്നു. ഇന്ന് രാജ്യ വ്യാപകമായി നടക്കുന്ന പരിശോധനയുടെ ഭാഗമായാണ് നടന്മാരുടെ വീടുകളിലും കസ്റ്റംസ് എത്തിയത്.
ഭൂട്ടാനിൽ നിന്ന് വ്യാജ രജിസ്ട്രേഷനിലൂടെ നികുതി വെട്ടിപ്പ് നടത്തി ഇന്ത്യയിലേക്ക് വാഹനം എത്തിക്കുന്നവരെ കണ്ടു പിടിക്കാനുള്ള ഓപ്പറേഷൻ നംഖോറിന്റെ ഭാഗമായാണ് റെയ്ഡ്. കേരളത്തിൽ മുപ്പത് ഇടങ്ങളിൽ പരിശോധന നടക്കുന്നുണ്ട്. താരങ്ങളുടെ മാത്രമല്ല, വ്യവസായികളുടെ വീടുകളിലും വിവിധ കാർ ഷോറൂമുകളിലും കസ്റ്റംസ് പരിശോധന നടത്തി വരികയാണ്.
Read more
