കൊച്ചി മെട്രോയുടെ പേട്ട- എസ് എൻ ജംഗ്ഷൻ പാതയ്ക്ക് സുരക്ഷാ അനുമതി. സുരക്ഷാ അനുമതി നൽകി കൊണ്ടുള്ള റിപ്പോർട്ട് റെയിൽ സേഫ്റ്റി കമ്മീഷണർ, കെഎംആർഎല്ലിന് കൈമാറി. സുരക്ഷാ അനുമതി ലഭിച്ചതോടെ, ഈ മാസം അവസാനത്തോടെ പാത തുറന്നുകൊടുക്കാൻ കഴിയുമെന്ന പ്രതീക്ഷയിലാണ് കൊച്ചി മെട്രോ.
കേന്ദ്രമന്ത്രിയുടെയും മുഖ്യമന്ത്രിയുടെയും സൗകര്യം ഉൾപ്പെടെ പരിഗണിച്ച് ഈ മാസം തന്നെ ഉദ്ഘാടനം നടത്താനുള്ള നടപടികൾ വേഗത്തിലാക്കാനുള്ള ശ്രമത്തിലാണ് കൊച്ചി മെട്രോ. ഈ മാസം 9,10,11 തീയതികളിലായിരുന്നു റെയിൽ സേഫ്റ്റി കമ്മീഷണറുടെ സുരക്ഷാ പരിശോധന നടന്നത്.
സിഗ്നലിങ്, സുരക്ഷാ ഉൾപ്പെടെയുള്ള കാര്യങ്ങളാണ് മുഖ്യമായി പരിശോധിച്ചത്. പാതയുടെ പ്രവർത്തനങ്ങളിൽ തൃപ്തി രേഖപ്പെടുത്തി കൊണ്ടുള്ള റിപ്പോർട്ടാണ് റെയിൽ സേഫ്റ്റ് കമ്മീഷണർ നൽകിയത്.
Read more
പേട്ട- എസ് എൻ ജംഗ്ഷൻ പാതയ്ക്ക് അനുമതി ലഭിച്ചതോടെ, ട്രെയിൻ സർവീസ് എസ്എൻ ജംഗ്ഷൻ വരെ നീട്ടുന്നതിനുള്ള നടപടിക്രമങ്ങൾ സാങ്കേതികമായി പൂർത്തിയായികഴിഞ്ഞു
