യു.എന്.എ സാമ്പത്തിക തട്ടിപ്പ് കേസില് ദേശീയ പ്രസിഡന്റ് ജാസ്മിന് ഷാ അടക്കം നാല് പ്രതികള്ക്കെതിരെ ലുക്കൗട്ട് നോട്ടീസ്. കേസന്വേഷിക്കുന്ന ക്രൈം ബ്രാഞ്ചാണ് ലുക്കൗട്ട് നോട്ടീസ് പുറത്തിറക്കിയത്.
പ്രതികള് പേര് മാറ്റി പല ഇടങ്ങളില് ഒളിവില് താമസിക്കുന്നതായി വിവരം കിട്ടിയിട്ടുണ്ടെന്നാണ് ക്രൈം ബ്രാഞ്ചിന്റെ ലുക്കൗട്ട് നോട്ടീസില് പറയുന്നു. പ്രതികളെ കുറിച്ച് വിവരം കിട്ടുന്നവര് ഉടനടി പൊലീസില് വിവരമറിയിക്കണമെന്ന് വിവിധ പത്രങ്ങളിലായി പ്രസിദ്ധീകരിച്ച ലുക്കൗട്ട് നോട്ടീസില് പറയുന്നുണ്ട്
Read more
നേരത്തേ ജാസ്മിന് ഷാ ഒളിവിലാണെന്നായിരുന്നു ക്രൈം ബ്രാഞ്ച് ഹൈക്കോടതിയെ അറിയിച്ചിരുന്നത്. മൊഴിയെടുക്കാനായി ഹാജരാവണമെന്ന് ജാസ്മിന് ഷായോട് രേഖാമൂലം ആവശ്യപ്പെട്ടെങ്കിലും അദ്ദേഹം വന്നില്ലെന്നും ക്രൈം ബ്രാഞ്ച് കോടതിയെ അറിയിച്ചു.