കൊല്ലത്ത് അയല്ക്കാരന്റെ പശുവിനെ മോഷ്ടിച്ച് കശാപ്പ് ചെയ്ത് ഇറച്ചിയാക്കിയ കേസില് ഒരാള് അറസ്റ്റില്. കൊല്ലം ചിറക്കര സ്വദേശി ജയകൃഷ്ണനാണ് കേസില് അറസ്റ്റിലായത്. ചിറക്കര സ്വദേശി ജയപ്രസാദിന്റെ പശുവിനെയാണ് പ്രതി മോഷ്ടിച്ച് കശാപ്പ് ചെയ്തത്. കഴിഞ്ഞ ദിവസമാണ് കേസിന് ആസ്പദമായ സംഭവം നടന്നത്.
രാവിലെ പശുവിനെ തൊഴുത്തില് കാണാതായതോടെ ജയപ്രസാദ് പരിസര പ്രദേശങ്ങളിലെല്ലാം വ്യാപകമായ തിരച്ചില് നടത്തി. എന്നാല് അന്വേഷണത്തിന് ഫലമുണ്ടായില്ല. പശു കെട്ടഴിഞ്ഞ് പോയതാകാം എന്നായിരുന്നു ജയപ്രസാദ് ആദ്യം കരുതിയിരുന്നത്. തുടര്ന്ന് നടത്തിയ അന്വേഷണത്തിനൊടുവില് ജയപ്രസാദ് പൊലീസില് പരാതി നല്കി.
പൊലീസ് അന്വേഷണത്തില് പ്രതി ജയകൃഷ്ണനാണെന്ന് കണ്ടെത്തുകയായിരുന്നു. പശുവിനെ മോഷ്ടിക്കാന് പ്രതി പ്രദേശത്തുള്ള മറ്റൊരാളുടെ സഹായം തേടിയെങ്കിലും അയാള് തയ്യാറായില്ല. പ്രതി തൊഴുത്തില് നിന്ന് കടത്തിക്കൊണ്ടുവന്ന പശുവിനെ സ്വന്തം വീട്ടിലെത്തിച്ച് ചുറ്റികകൊണ്ട് തലയ്ക്കടിച്ച് കൊല്ലുകയായിരുന്നു.
Read more
തുടര്ന്ന് ഇറച്ചി വെട്ടിക്കീറി കറിവച്ച് കഴിക്കുകയായിരുന്നു. പൊലീസ് നടത്തിയ പരിശോധനയില് പ്രതിയുടെ വീടിന്റെ പിന്വശത്ത് നിന്ന് പശുവിന്റെ ശരീരാവശിഷ്ടങ്ങള് കണ്ടെത്തി. നിരവധി കേസുകളില് പ്രതിയാണ് പിടിയിലായ ജയകൃഷ്ണന്.