തൃശൂരില് ഡിവൈഎഫ്ഐ നേതാവിനെ പാര്ട്ടി ഓഫീസില് തൂങ്ങി മരിച്ച നിലയില് കണ്ടെത്തി. മണലി മൂളിപ്പറമ്പില് വീട്ടില് സുജിത്തിനെയാണ് തൂങ്ങി മരിച്ച നിലയില് കണ്ടെത്തിയത്. സിപിഎം കേച്ചേരി ലോക്കല് കമ്മിറ്റി ഓഫീസിലെ മുറിയിലാണ് മൃതദേഹം കണ്ടെത്തിയത്. ആത്മഹത്യ ചെയ്ത നിലയില് കണ്ടെത്തിയ സുജിത് കേച്ചേരി ഡിവൈഎഫ്ഐ മേഖല പ്രസിഡന്റാണ്.
ആത്മഹത്യ ചെയ്യുന്നതിന് മുന്പ് സുജിത് പാര്ട്ടി ഓഫീസിലെത്താന് സുഹൃത്തുക്കള്ക്ക് വാട്സ് ആപ്പില് സന്ദേശം അയച്ചിരുന്നു. സന്ദേശം ലഭിച്ചതോടെ ഉച്ചയ്ക്ക് 12ന് സുഹൃത്തുക്കള് പാര്ട്ടി ഓഫീലെത്തിയപ്പോഴാണ് തൂങ്ങിയ നിലയില് സുജിത്തിനെ കണ്ടെത്തിയത്. ഉടന്തന്നെ കേച്ചേരി ആക്ട്സ് ആംബുലന്സില് മെഡിക്കല് കോളേജില് എത്തിച്ചെങ്കിലും ജീവന് രക്ഷിക്കാനായില്ല.
Read more
കുന്നംകുളം പൊലീസെത്തി സംഭവ സ്ഥലത്ത് നടത്തിയ പരിശോധനയില് സുജിത്തിന്റെ ആത്മഹത്യ കുറിപ്പ് കണ്ടെത്തിയിട്ടുണ്ട്. ആത്മഹത്യ കുറിപ്പില് സാമ്പത്തിക ബാധ്യതകളെ കുറിച്ചുള്ള സൂചനകളുണ്ടെന്ന് പൊലീസ് പറഞ്ഞു. പോസ്റ്റുമോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുനല്കും.