ഡിവൈഎഫ്ഐ ദേശീയ സമ്മേളനത്തിന്റെ ഭാഗമായി പുറത്തിറക്കിയ സുവനീറില് അദാനി ഗ്രൂപ്പിന്റെ പരസ്യം ഉള്പ്പെടുത്തിയതിനെ പരിഹസിച്ച് ബിജെപി നേതാവ് കെ സുരേന്ദ്രന്. അദാനിയുടെ “മൂലധനം” ഡിവൈഎഫ്ഐയ്ക്ക് പുളിക്കില്ലെന്നായിരുന്നു സുരേന്ദ്രന്റെ പരിഹാസം.
കഴിഞ്ഞ വര്ഷം കൊച്ചിയില് നടന്ന ദേശീയ സമ്മേളനത്തിന്റെ സുവനീര് കഴിഞ്ഞ ദിവസമാണു ഡിവൈഎഫ്ഐ പുറത്തിറക്കിയത്. മികച്ച രീതിയില് അവതരിപ്പിച്ചിരിക്കുന്ന സുവനീറില് വിവിധ മേഖലകളിലെ കമ്പനികളുടെ പരസ്യമുണ്ട്. അദാനി ഗ്രൂപ്പ് അടക്കമുള്ള ബഹുരാഷ്ട്ര കമ്പനികളെ പല വേദികളിലും ഡിവൈഎഫ്ഐ എതിര്ത്തിട്ടും അവരുടെ പരസ്യം സ്വീകരിച്ചതാണ് വിമര്ശനങ്ങള്ക്കിടയാക്കുന്നത്.
https://www.facebook.com/KSurendranOfficial/photos/a.640026446081995.1073741832.582049905212983/1608789405872356/?type=3&theater
വിഴിഞ്ഞം പദ്ധതിയുടെ പേരില് അദാനിക്കെതിരെ സിപിഐഎമ്മും പോഷക സംഘടനകളും നേരത്തെ പരസ്യമായി രംഗത്തു വന്നിരുന്നു. 6000 കോടിയുടെ അഴിമതി നടത്തിയെന്നും ബിജെപി സര്ക്കാരിന്റെ വിശ്വസ്തരാണെന്നുമായിരുന്നു അദാനി ഗ്രൂപ്പിനെതിരെ സിപിഐഎമ്മിന്റെ വിമര്ശനം.
Read more
വാര്ഷിക സമ്മേളനത്തിന്റെ പ്രമേയങ്ങളിലെല്ലാം ഉദാര വല്ക്കരണത്തിനും കോര്പറേറ്റുകളുടെ ചൂഷണത്തിനെതിരെയുമുള്ള ആഹ്വാനങ്ങളാണ്. ബഹുരാഷ്ട്ര കുത്തകകള്ക്കെതിരെ കടുത്ത വിമര്ശനവുമായി സിപിഎം ദേശീയ നേതാക്കളുടെ ലേഖനങ്ങളും സുവനീറിലുണ്ട്. അതിനിടിയിലാണ് അദാനിയുടെ ബഹുവര്ണ പരസ്യം. അടുത്ത ദിവസങ്ങളില് സുവനീര് ഡിവൈഎഫ്ഐ പ്രവര്ത്തകരുടെ കൈകളില് എത്തും