ലോകായുക്ത ബില്ലില്‍ രാഷ്ട്രപതി ഒപ്പിട്ടത് ഗവര്‍ണര്‍ക്കുള്ള വലിയ തിരിച്ചടിയാണെന്ന് സിപിഎം സംസ്ഥാന സെക്രട്ടറി എംവി ഗോവിന്ദന്‍. വ്യക്തമായ ധാരണയോടെ ജനാധിപത്യ സംവിധാനങ്ങളുടെ ഉള്ളടക്കം ഫലപ്രദമായി ഉപയോഗപ്പെടുത്താന്‍ പറ്റുന്ന തരത്തിലാണ് കേരളം നിയമമുണ്ടാക്കിയത്. കേന്ദ്ര സര്‍ക്കാര്‍ കൊണ്ടുവന്ന നിയമത്തിന് തുല്യമായ രീതിയില്‍ തന്നെയായിരുന്നു ഇതും. എന്നാല്‍ ഗവര്‍ണര്‍ ഒപ്പിടാതെ പിടിച്ചു വെക്കുകയായിരുന്നു.
സുപ്രീംകോടതി ഇടപെടലുണ്ടായതോടെ എന്തെങ്കിലും ചെയ്‌തേ പറ്റൂ എന്ന നില വന്നതോടെയാണ് രാഷ്ട്രപതിക്ക് അയച്ചത്. ഒരു തരത്തിലും കേരളത്തിലെ ജനങ്ങള്‍ക്ക് അനുകൂലമാകരുത് എന്ന നിലയിലായിരുന്നു ഗവര്‍ണറുടെ ഇടപെടല്‍. രാഷ്ട്രപതി ഒപ്പിട്ടതോടെ സംസ്ഥാന സര്‍ക്കാര്‍ നിലപാട് ശരിയാണെന്ന് അംഗീകരിക്കപ്പെട്ടു. ബിജെപിക്കും കേരളത്തിലെ പ്രതിപക്ഷത്തിനും കൂടിയുള്ള തിരിച്ചടിയാണിത്.
Read more
വിഷയങ്ങളുടെ മെറിറ്റ് നോക്കിയല്ല പ്രതിപക്ഷത്തിന്റെ എതിര്‍പ്പ്. ഗവണ്‍മെന്റിനെ എന്തിലും എതിര്‍ക്കുകയെന്നതാണ് അവരുടെ നിലപാട്. അതും തെറ്റാണെന്ന് രാഷ്ട്രപതിയുടെ നിലപാട് തെളിയിച്ചുവെന്ന് എം വി ഗോവിന്ദന്‍ പറഞ്ഞു.
