ഗായകന് ഉണ്ണി മേനോന് ആലപിച്ച ‘ആറ്റുവഞ്ചി പൂക്കള്’ എന്ന ആല്ബം ശ്രദ്ധേയമാകുന്നു. ആല്ബത്തിലെ ‘ആറ്റുവഞ്ചി പൂത്ത രാവില്..’ എന്ന് തുടങ്ങുന്ന മനോഹരമായ മെലഡിയാണ് സംഗീതാസ്വാദകര് ഏറ്റെടുത്തിരിക്കുന്നത്. യുവ സംഗീത സംവിധായകരില് ശ്രദ്ധേയനായ പ്രശാന്ത് മോഹന് എം.പിയാണ് ഗാനത്തിന് സംഗീതം ഒരുക്കിയിരിക്കുന്നത്.
സിനിമ-ആല്ബം മേഖലകളില് സംഗീത സംവിധായകനായി ദീര്ഘ നാളായി പ്രവര്ത്തിക്കുന്ന പ്രശാന്ത് മോഹന് അഭിനേതാവ് കൂടിയാണ്. ബിന്ദു പി. മേനോനാണ് ഗാനത്തിന് വരികള് എഴുതിയിരിക്കുന്നത്.ഗാനം പുറത്തിറങ്ങി മണിക്കൂറുകള്ക്കുള്ളില് സിനിമ-സംഗീത മേഖലകളില് പ്രവര്ത്തിക്കുന്ന നിരവധി പേരാണ് ഗാനം ഷെയര് ചെയ്തിരിക്കുന്നത്.
ബ്ലിസ് റൂട്ട്സിന്റെ ബാനറില് രൂപേഷ് ജോര്ജ് ആണ് ആല്ബം നിര്മ്മിച്ചിരിക്കുന്നത്. ഉണ്ണി മേനോന് ആലപിച്ച ഗാനത്തിന് ദൃശ്യങ്ങള് ഒരുക്കിയിരിക്കുന്നത് ശ്യാം മംഗലത്താണ്. അമലും സുമേഷും ചേര്ന്നാണ് ഛായാഗ്രഹണം നിര്വ്വഹിച്ചിരിക്കുന്നത്.
ടോണി സിജിമോനും ജാന്വി ബൈജുവുമാണ് ഗാനത്തിനൊപ്പം ദൃശ്യങ്ങളില് പ്രത്യക്ഷപ്പെടുന്നത്. മിക്സിങ് സുരേഷ് കൃഷ്ണയും പ്രോഗ്രാമിങ് ശ്രീരാഗ് സുരേഷും നിര്വ്വഹിച്ചിരിക്കുന്നു. റോസ്മേരി ലില്ലുവാണ് ഡിസൈനുകള്. പി.ആര്.ഒ ശരത് രമേശ്, സുനിത സുനില്.