വിജയ് ദേവരകൊണ്ട നായകനായി എത്തുന്ന ഡിയര്‍ കോമ്രേഡ് റിലീസിന് ഒരുങ്ങുകയാണ്. ചിത്രത്തില്‍ നായികയായി എത്തുന്നത് രശ്മിക മന്ദാനയാണ്. എന്നാല്‍ ചിത്രത്തില്‍ ആദ്യം നായികയായി നിശ്ചയിച്ചിരുന്നത് സായി പല്ലവിയെ ആയിരുന്നെന്നാണ് ഇപ്പോള്‍ പുറത്തു വരുന്ന റിപ്പോര്‍ട്ടുകള്‍.
ചിത്രത്തിലെ ലിപ് ലോക്ക് രംഗങ്ങളാണ് ചിത്രത്തില്‍ നിന്ന് പിന്മാറാന്‍ സായിയെ പ്രേരിപ്പിച്ചതെന്നാണ് വിവരം. കൂടാതെ അടുത്തിട പഴകുന്ന രംഗങ്ങളിലും അഭിനയിക്കാന്‍ ബുദ്ധിമുട്ട് പ്രകടിപ്പിച്ച സായ് പല്ലവി ഓഫര്‍ നിരസിക്കുകയായിരുന്നു. മുന്‍നിര നടിമാരുടെ ഗണത്തിലേക്ക് ഉയര്‍ന്നിട്ടും വിട്ടുവിഴ്ചയില്ലാത്ത സായിയുടെ നിലപാടുകള്‍ പ്രശംസനീയമാണ്. നേരത്തെ രണ്ടു കോടി വാഗ്ദാനം ചെയ്തിട്ടും ഫെയര്‍നെസ്സ് ക്രീമിന്റെ പരസ്യ ഓഫര്‍ നിരസിച്ച സായയിയെ നിലപാട് ഏറെ ശ്രദ്ധിക്കപ്പെട്ടിരുന്നു.
Read more
ഗീതാഗോവിന്ദത്തിനു ശേഷം വിജയ് ദേവരകൊണ്ടയും രശ്മിക മന്ദാനയും ഒന്നിക്കുന്ന ചിത്രമാണ് ഡിയര്‍ കോമ്രേഡ്. ഭരത് കമ്മയാണ് ചിത്രം സംവിധാനം ചെയ്തിരിക്കുന്നത്. മലയാളിയായ ശ്രുതി രാമചന്ദ്രനും ചിത്രത്തില്‍ പ്രധാനവേഷത്തിലെത്തുന്നുണ്ട്. മൈത്രി മേക്കേഴ്‌സ് നിര്‍മ്മിച്ച ചിത്രത്തിനായ് സുജിത്ത് സാരംഗ് ഛായാഗ്രഹണവും ശ്രീജിത്ത് സാരംഗ് എഡിറ്റിംഗും ജസ്റ്റിന്‍ പ്രഭാകരന്‍ സംഗീത സംവിധാനവും നിര്‍വ്വഹിച്ചിരിക്കുന്നു. ചിത്രം തെലുഗ്, തമിഴ്, മലയാളം, കന്നഡ ഭാഷകളിലായി ജൂലൈ 26ന് പുറത്തിറങ്ങും.
