ചിരഞ്ജീവി നായകനായെത്തിയ ബ്രമാണ്ഡ ചിത്രം “സെയ് റാ നരംസിംഹ റെഡ്ഡി” ഉജ്ജല വിജയമാണ് കരസ്ഥമാക്കിയത്. പ്രേക്ഷകര്‍ ഏറ്റെടുത്ത ചിത്രം നൂറ് കോടി ക്ലബ്ബിലും ഇടംപിടിച്ചിരുന്നു. കൊനിഡെല്ല പ്രൊഡക്ഷന്റെ ബാനറില്‍ രാംമ ചരണാണ് ചിത്രം നിര്‍മിച്ചത്. എന്നാല്‍ തനിക്ക് ചിത്രത്തില്‍ അഭിനയിക്കാന്‍ അവസരം ലഭിച്ചില്ലെന്ന നിരാശയും രാം ചരണിനുണ്ട്.
സെയ് റായില്‍ താനും അഭിനയിക്കാനിരുന്നതാണെന്നും എന്നാല്‍ തന്റെ കഥാപാത്രത്തെ നീക്കം ചെയ്യുകയായിരുന്നുവെന്നാണ് രാം ചരണ്‍ പറയുന്നത്. ചിത്രത്തിന്റെ സ്‌ക്രിപ്റ്റിങ് ഘട്ടത്തില്‍ തന്നെ കഥാപാത്രത്തെ ചെയ്യുകയായിരുന്നുവെന്ന് രാം ചരണ്‍ ഒരു അഭിമുഖത്തിനിടെ വ്യക്തമാക്കി.
ചിരഞ്ജീവിയുടെ 151മത് ചിത്രമായ സെയ് റായില്‍ രാം ചരണിന്റെ സഹോദരി സുസ്മിതയാണ് വസ്ത്രാലങ്കാരം ചെയ്തത്. ബന്ധുവും കൊനിഡെല്ല പ്രൊഡക്ഷന്റെ സിഇഒയുമായ വിദ്യയും ചിത്രത്തോടൊപ്പം ഉണ്ടായി. അമ്മാവന്‍ പവന്‍ കല്യാണ്‍ ചിത്രത്തിന് ശബ്ദം നല്‍കി. മറ്റൊരു ബന്ധുവായ നിഹാരികയും ചിത്രത്തില്‍ അഭിനയിച്ചു.
Read more
തനിക്ക് മാത്രം ചിത്രത്തില്‍ അഭിനയിക്കാന്‍ കഴിഞ്ഞില്ലെന്ന നിരാശയുണ്ടെന്നും രാം ചരണ്‍ പറഞ്ഞു. അച്ഛന്‍ ചിരഞ്ജീവിക്കും അമ്മാവന്‍ പവന്‍ കല്യാണിനൊപ്പവും അഭിനയിക്കാന്‍ സാധിക്കുമെന്ന ആശയിലാണ് താനെന്നും രാം ചരണ്‍ വ്യക്തമാക്കി.
