ജോര്ദാനില് നിന്നും ഷൂട്ടിംഗ് പൂര്ത്തിയാക്കി എത്തിയ നടന് പൃഥ്വിരാജിന്റെ രണ്ടാമത്തെ കോവിഡ് ടെസ്റ്റും നെഗറ്റീവ്. ഇതോടെ പൃഥ്വിരാജിന്റെ പതിനഞ്ചു ദിവസത്തെ ക്വാറന്റൈന് കാലം അവസാനിക്കുകയാണ്. കഴിഞ്ഞ ദിവസം നടത്തിയ കോവിഡ് ടെസ്റ്റിന്റെ ഫലം പൃഥ്വിരാജ് സോഷ്യല് മീഡിയയില് പങ്കുവച്ചിരുന്നു.
മെയ് 22നാണ് പൃഥ്വിരാജും സംവിധായകന് ബ്ലെസിയും സംഘവും ജോര്ദാനില് നിന്നും കേരളത്തിലേയ്ക്ക് തിരിച്ചെത്തുന്നത്. തുടര്ന്ന് ഫോര്ട്ടു കൊച്ചിയിലെ ഹോട്ടലിലായിരുന്നു താരം നിര്ബന്ധിത ക്വാറന്റൈനില് കഴിഞ്ഞത്. മെയ് 29ന് താരത്തിന്റെ ഇന്സ്റ്റിറ്റിയൂഷണല് ക്വാറന്റീന് പൂര്ത്തിയായത്. അടുത്ത ഒരാഴ്ച ഹോം ക്വാറന്റീനില് കഴിയുമെന്നും താരം നേരത്തെ അറിയിച്ചിരുന്നു.
Read more
എന്നാല്, ക്വാറന്റീന് ദിവസങ്ങള് മറ്റൊരു സുരക്ഷിത കേന്ദ്രത്തില് ചെലവഴിച്ച് വീട്ടിലേക്ക് മടങ്ങാനാണ് പൃഥ്വി തീരുമാനിച്ചത്. ഇതിനിടെ ആടുജീവിതം അണിയറപ്രവര്ത്തകരില് ഒരാള്ക്ക് കോവിഡ് സ്ഥിരീകരിച്ചത് വലിയ ആശങ്കകള്ക്കു വഴി വച്ചിരുന്നു. പുതിയ ഫലം വന്നതോടെ പൃഥ്വിയുടെ ആരാധകര് സന്തോഷത്തിലാണ്.