സിബിഐ 5 പൂര്ത്തിയാക്കി തെലുങ്ക് ചിത്രം ഏജന്റിന്റെ ലൊക്കേഷനില് ജോയിന് ചെയ്ത് മമ്മൂട്ടി. പട്ടാള ഉദ്യോഗസ്ഥനായി ചിത്രത്തില് വേഷമിടുന്ന മമ്മൂട്ടിയുടെ ലുക്ക് പോസ്റ്റര് പങ്കുവച്ചാണ് ഏജന്റില് താരം ജോയിന് ചെയ്ത വിവരം അണിയറ പ്രവര്ത്തകര് പുറത്തു വിട്ടിരിക്കുന്നത്.
നേരത്തെ ഹംഗറിയിലും ചിത്രത്തിന്റെ ഷൂട്ടിംഗ് നടന്നിരുന്നു. ‘ദ ഡെവിള് റൂത്ത്ലെസ് സേവ്യര്’ എന്ന ടാഗ് ലൈനോടെയാണ് ലുക്ക് പോസ്റ്റര് എത്തിയിരിക്കുന്നത്. സുരേന്ദര് റെഡ്ഡി രചനയും സംവിധാനവും നിര്വ്വഹിക്കുന്ന ഏജന്റില് അഖില് അക്കിനേനിയാണ് നായകന്.
2019ല് പുറത്തിറങ്ങിയ യാത്ര സിനിമയ്ക്ക് ശേഷം മമ്മൂട്ടി വീണ്ടും തെലുങ്കിലേക്ക് എത്തുന്ന ചിത്രമാണ് ഏജന്റ്. വൈഎസ് രാജശേഖര റെഡ്ഡിയുടെ രാഷ്ട്രീയ ജീവിതം ആവിഷ്കരിച്ച ചിത്രത്തില് വൈഎസ്ആര് ആയാണ് മമ്മൂട്ടി എത്തിയത് മമ്മൂട്ടി.
റെക്കോര്ഡ് പ്രതിഫലമാണ് മമ്മൂട്ടി ചിത്രത്തിനായി വാങ്ങുന്നതെന്ന് റിപ്പോര്ട്ടുകളുണ്ടായിരുന്നു. കശ്മീര്, ഡല്ഹി, ഹൈദരാബാദ് എന്നിവടങ്ങളിലാകും ഇന്ത്യയിലെ ചിത്രീകരണം. ഹോളിവുഡ് ത്രില്ലര് ബോണ് സീരിസില് നിന്നും പ്രചോദനമുള്ക്കൊണ്ട് ഒരുക്കുന്ന ചിത്രമാണ് ഏജന്റ്.
ഹിപ്ഹോപ്പ് തമിഴയാണ് സംഗീതം. ഛായാഗ്രഹണം രാകുല് ഹെരിയന്. എഡിറ്റിംഗ് നവീന് നൂലി. അതേസമയം, ഭീഷ്മ പര്വമാണ് മമ്മൂട്ടിയുടെതായി തിയേറ്ററില് പ്രദര്ശനം തുടരുന്നത്. അമല് നീരദ് സംവിധാനം ചെയ്ത ചിത്രത്തില് മൈക്കിള് എന്ന കഥാപാത്രത്തെയാണ് താരം അവതരിപ്പിച്ചത്.
A Stalwart of Indian Cinema who paved his own path with Discipline & Dedication 🔥
Megastar @mammukka🤘Joins the shoot of #AGENT ⚡️
Can’t wait to witness the magic on sets ❤️@AkhilAkkineni8 @DirSurender @AnilSunkara1 @VamsiVakkantham@hiphoptamizha @AKentsOfficial @S2C_Offl pic.twitter.com/pmVv474Vnz
— AK Entertainments (@AKentsOfficial) March 7, 2022
Read more