വലിയ താരനിരകൾ ഇല്ലാതെതന്നെ തിയേറ്ററുകളിൽ ഏറ്റവും മികച്ച പ്രേക്ഷക പ്രതികരണം നേടിയ ചിത്രമാണ് നവാഗതനായ സംജാദ് സംവിധാനം ചെയ്ത ‘ഗോളം’. ഇൻവസറ്റിഗേഷൻ ത്രില്ലർ ഴോൺറെയിൽ പുറത്തിറങ്ങിയ ചിത്രത്തിന് ആദ്യ ദിവസം മുതൽ മികച്ച റിപ്പോർട്ടുകൾ ഉണ്ടായിരുന്നിട്ടും വേണ്ടത്ര കളക്ഷനൊ മറ്റോ ലഭിച്ചിരുന്നില്ല.
ഇപ്പോഴിതാ ചിത്രത്തിന്റെ ഒടിടി റിലീസ് പ്രഖ്യാപിച്ചിരിക്കുകയാണ് അണിയറപ്രവർത്തകർ. ആഗസ്ത് 9 മുതൽ ആമസോൺ പ്രൈമയിലൂടെയാണ് ചിത്രം സ്ട്രീമിംഗ് ആരംഭിക്കുന്നത്.
രഞ്ജിത് സജീവ് ആണ് ചിത്രത്തിൽ നായകനായി എത്തിയത്. ദിലീഷ് പോത്തൻ, ചിന്നു ചാന്ദ്നി, സണ്ണി വെയ്ൻ, സിദ്ദിഖ്, അലൻസിയർ തുടങ്ങിയവരും ചിത്രത്തിൽ വേഷമിട്ടിരുന്നു.
വിനായക് ശശികുമാറിന്റെ വരികൾക്ക് അഭി സാൽവിൻ ആണ് സംഗീതം നൽകിയിരിക്കുന്നത്. ജൂൺ 7 നായിരുന്നു ചിത്രം തിയേറ്ററുകളിൽ എത്തിയത്.
Read more
