മലയാളി സിനിമാ പ്രേക്ഷകര്‍ക്കായി വിജയ് ദേവരകൊണ്ട ചിത്രം ഡിയര്‍ കോമ്രേഡിന്റെ അണിയറപ്രവര്‍ത്തകര്‍ ഒരു സര്‍പ്രൈസ് നല്‍കുന്നതായി അറിയിച്ചിരുന്നു. ആ സര്‍പ്രൈസ് ഡിയര്‍ കോമ്രേഡ് തീം സോങ് ആണ്. ആ ഗാനം മലയാളത്തില്‍ ആലപിച്ചിരിക്കുന്നത് മലയാളത്തിന്റെ യുവ താരം ദുല്‍ഖര്‍ സല്‍മാനും തമിഴില്‍ ആലപിച്ചിരിക്കുന്നത് മക്കള്‍ സെല്‍വന്‍ വിജയ് സേതുപതിയും ആണ്.
തെലുങ്കില്‍ വിജയ് ദേവര്‍ക്കൊണ്ട തന്നെയാണ് ആ ഗാനം പാടിയിരിക്കുന്നത്. ആ ഗാനമാണ് നാളെ റിലീസ് ചെയ്യാന്‍ പോകുന്നത്. ഇന്ന് രാവിലെ പതിനൊന്നു മണി കഴിയുമ്പോള്‍ കോമ്രേഡ് ആന്തം റിലീസ് ചെയ്യും.
രശ്മിക മന്ദാന നായികാ വേഷം ചെയ്യുന്ന ഈ ചിത്രം റിലീസിന് ഒരുങ്ങുകയാണ്. ഭരത് കമ്മ രചിച്ചു സംവിധാനം ചെയ്ത ഈ ചിത്രം നിര്‍മ്മിച്ചിരിക്കുന്നത് മൈത്രി മൂവി മേക്കേഴ്സ് ആണ്. തമിഴ്, കന്നഡ, മലയാളം ഭാഷകളിലും ഈ ചിത്രം ഡബ്ബ് ചെയ്ത് റിലീസ് ചെയ്യും.
Read more
മുമ്പ് ദുല്‍ഖര്‍ സല്‍മാന്‍ നായക വേഷത്തില്‍ എത്തിയ മഹാനടി എന്ന തെലുങ്കു ചിത്രത്തില്‍ വിജയ് ദേവരക്കൊണ്ട അഭിനയിച്ചിരുന്നു. ശ്രുതി രാമചന്ദ്രന്‍ പ്രധാന വേഷം ചെയ്യുന്ന ഡിയര്‍ കോമ്രേഡിനു സംഗീതം ഒരുക്കിയത് ജസ്റ്റിന്‍ പ്രഭാകരന്‍ ആണ്. സുജിത് സാരംഗ് കാമറ ചലിപ്പിച്ചിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് ശ്രീജിത്ത് സാരംഗ് ആണ്. ജൂലൈ 26 നു ഈ ചിത്രം റിലീസ് ചെയ്യും
