ചിദംബരം സംവിധാനം ചെയ്ത ‘മഞ്ഞുമ്മൽ ബോയ്സ്’ മികച്ച പ്രേക്ഷക പ്രതികരണങ്ങളോടെ നിറഞ്ഞ സദസ്സിൽ പ്രദർശനം തുടരുകയാണ്. 12 ദിവസങ്ങൾ കൊണ്ടാണ് ചിത്രം 100 കോടി ക്ലബ്ബിലെത്തിയിരിക്കുന്നത്.
തമിഴ്നാട്ടിൽ നിന്ന് മാത്രമായി 25 കോടി രൂപയാണ് ചിത്രം നേടിയിരിക്കുന്നത്. ചുരുങ്ങിയ ബഡ്ജറ്റിൽ സൂപ്പർ താരങ്ങളില്ലാതെ ഇത്രയും കളക്ഷൻ സൃഷ്ടിച്ച മഞ്ഞുമ്മൽ ബോയ്സ് മറ്റ് സിനിമകൾക്ക് മാതൃകയാണ് എന്നാണ് തമിഴ് പ്രേക്ഷകർ പറയുന്നത്.
വിജയ് യുടെ പ്രതിഫലം 150 കോടി രൂപയാണ്, അത്രയും പണമുണ്ടെങ്കിൽ മഞ്ഞുമ്മൽ പോലെ 15 സിനിമകൾ എടുക്കാമെന്നാണ് സിനിമ കണ്ടിറങ്ങിയ ഒരു പ്രേക്ഷകൻ പറയുന്നത്.
“ഇവിടെ ഞങ്ങളുടെ വിജയ് സാറിന്റെ ശമ്പളത്തിൽ നിങ്ങൾക്ക് അവിടെ 15 പടമെടുക്കാം. 150-160 കോടിയല്ലേ വാങ്ങുന്നത്? അതിന് മഞ്ഞുമ്മൽ ബോയ്സ് പോലെ നല്ല 15 പടമെടുക്കാം. തിയേറ്ററിലും നന്നായി ഓടും. ഇവിടെ തന്നെ 11 ദിവസമായി ഹൗസ് ഫുളാണ്. നല്ല കഥയെടുത്താൽ ഓഡിയൻസ് കാണാൻ എത്തും.”
View this post on Instagram
Read more
ചിത്രത്തെ പ്രശംസിച്ച് നിരവധി ആളുകളാണ് രംഗത്ത് വന്നത്. അനുരാഗ് കശ്യപ്, പാ രഞ്ജിത്ത്, ഗൗതം വാസുദേവ് മേനോൻ തുടങ്ങീ നിരവധി പേരാണ് ചിത്രത്തെ പ്രശംസിച്ചത്. ആഗോള ബോക്സ്ഓഫീസ് കളക്ഷനിൽ 125 കോടി രൂപയാണ് ചിത്രം ഇതുവരെ നേടിയത്.
