ഗോപി സുന്ദറിനെതിരെയുള്ള ഗായകന്‍ ഇമ്രാന് ഖാന്റെ കുറിപ്പ് വൈറലാകുന്നു. മ്യൂസിക് റിയാലിറ്റി ഷോകളിലൂടെ താരമായി മാറിയ ഗായകനാണ് ഇമ്രാൻ ഖാൻ. ഒരു സമയത്ത് ജീവിതത്തിലെ കഷ്ടതകളിൽ വലഞ്ഞു പോയ ഇമ്രാന് സഹായം വാഗ്ദാനം ചെയ്ത് ഗോപി സുന്ദര്‍ എത്തുകയും ഇത് വലിയ വാര്‍ത്തയാവുകയും ചെയ്തിരുന്നു. എന്നാല്‍ വര്‍ഷങ്ങള്‍ പിന്നിട്ടിട്ടും ഗോപി സുന്ദര്‍ പറഞ്ഞ വാക്ക് പാലിച്ചിട്ടില്ല എന്നാണ് ഇമ്രാന് പറയുന്നത്.
തന്റെ സിനിമയില്‍ ഇമ്രാന് പാടാന്‍ അവസരം നൽകുമെന്നായിരുന്നു ഗോപി സുന്ദര്‍ പറഞ്ഞിരുന്നത്. സോഷ്യല്‍ മീഡിയയില്‍ അന്ന് ഗോപി സുന്ദറിനൊപ്പം എടുത്ത ചിത്രമടക്കം പങ്കുവച്ചാണ് ഇമ്രാൻ തന്റെ പ്രതികരണം ഫെയ്സ്ബുക്കിലൂടെ അറിയിച്ചത്.
‘ഇയാളെ കാണ്മാനില്ല ഇയാൾ ഇറക്കുന്ന അടുത്ത സിനിമയിൽ തന്നെ അവസരം തരാമെന്ന് പറഞ്ഞതാ അതിനു ശേഷം സിനിമകൾ പലതും ചെയ്തു അളിയൻ അവസരം ഒന്നും തന്നില്ല വിളിച്ചാലും കാൾ എടുക്കില്ല എവിടെടാ മുത്തേ നീ ഒന്ന് കാണാൻ കൊതിയാകുന്നു’ എന്നായിരുന്നു ഇമ്രാൻ പോസ്റ്റ് ചെയ്തത്.
എന്നാൽ പിന്നീട് ‘ഇയാളെ കാണ്മാനില്ല ഇയാൾ ഇറക്കുന്ന അടുത്ത സിനിമയിൽ തന്നെ അവസരം തരാമെന്ന് പറഞ്ഞതാ പെട്ടെന്ന് തന്നെ അടുത്ത ആഴ്ച ആളുടെ യൂട്യൂബ് ചാനലിൽ ഒരു സോങ് എന്നെ പാടിപ്പിച്ചു. അത് വരെ ചത്തു കിടന്ന ആളുടെ യൂട്യൂബ് ചാനലിൽ കുറെ യൂട്യൂബ് സബ്സ്ക്രൈബ്ർസ് ഒക്കെ ആയി എന്നിട്ടൊരു പോസ്റ്റും ആള് ഫേസ്ബുക്കിൽ ഇട്ടു ഇമ്രാനെ പാടിപ്പിക്കും എന്ന വാഗ്ധാനം ഞാൻ നിറവേറ്റി എന്ന്. അതിനു ശേഷം സിനിമകൾ പലതും ചെയ്തു അളിയൻ അവസരം ഒന്നും തന്നില്ല വിളിച്ചാലും കാൾ എടുക്കില്ല. ഞാൻ കാത്തിരിക്കുവാ സിനിമയിലെ ആഹ് അവസരത്തിനു വേണ്ടി’ എന്ന് പോസ്റ്റ് തിരുത്തി.
Read more
പോസ്റ്റിനു താഴെ നിരവധി പേരാണ് പ്രതികരണങ്ങളുമായി എത്തിയത്. ഇമ്രാന്റെ ഭാഗത്തുനിന്ന് ഇങ്ങനെ ഒരു പോസ്റ്റ് പ്രതീക്ഷിച്ചില്ല, പുതിയ ദേശാടനത്തിലാണ് കുറച്ച് കഴിഞ്ഞ് ഇങ്ങ് വരും,നിനക്ക് കഴിവുണ്ടെങ്കിൽ നീ എന്തിനാ മറ്റുള്ളവരെ ആശ്രയിക്കുന്നത്.. എന്നിങ്ങനെ പല കമന്റുകളാണ് പോസ്റ്റിന് താഴെ വരുന്നത്.
