സിനിമകളുടെ റീമേക്കിംഗിനോട് തനിക്ക് പണ്ട് മുതലേ എതിര്‍പ്പാണെന്ന് രണ്‍ബീര്‍ കപൂര്‍. തുടക്കകാലം മുതല്‍ താന്‍ ഒരു സിനിമയോ ഗാനമോ റീമേക്ക് ചെയ്യുന്നതിന് എതിരായിരുന്നു. റീമേക്കുകള്‍ക്ക് അതിന്റെ യഥാര്‍ത്ഥ സിനിമയോട് നീതി പുലര്‍ത്താന്‍ കഴിയുമെന്ന് താന്‍ വിശ്വസിക്കുന്നില്ല എന്നും അദ്ദേഹം പറഞ്ഞു.
കരിയറിന്റെ ആരംഭം മുതല്‍ തന്നെ ഒരു സിനിമയോ ഗാനമോ റീമേക്ക് ചെയ്യുന്നതിനെ ഞാന്‍ എതിര്‍ത്തിരുന്നു. ഞാന്‍ ചെയ്ത ‘ബച്ച്ന ഏ ഹസീനോ’ എന്ന ഒരു ഗാനം ഓര്‍ക്കുന്നു. അതില്‍ എനിക്ക് എതിര്‍പ്പുണ്ടായിരുന്നു.
പക്ഷേ ആ സമയത്ത് ഞാനും വളരെ പുതിയ ആളായിരുന്നു. അതിനാല്‍ ഒന്നും പറയാന്‍ പറ്റുന്ന അവസ്ഥയിലായിരുന്നില്ല. ഇപ്പോള്‍ യഥാര്‍ത്ഥമായ ഉള്ളടക്കങ്ങള്‍ സൃഷ്ടിക്കാന്‍ പറ്റുന്ന അവസ്ഥയിലായി എന്ന് ഞാന്‍ വിശ്വസിക്കുന്നു.’
റീമേക്കുകള്‍ക്ക് ഒരിക്കലും അതിനേക്കാള്‍ മികച്ച പതിപ്പുണ്ടാക്കാന്‍ കഴിയുമെന്ന് ഞാന്‍ കരുതുന്നില്ല’, രണ്‍ബീര്‍ കപൂര്‍ പറഞ്ഞു. തു ജൂട്ടി മേം മക്കാര്‍ ആണ് രണ്‍ബീര്‍ കപൂറിന്റെ പുതിയ സിനിമ. ശ്രദ്ധ കപൂറാണ് ചിത്രത്തിലെ നായിക. ഇതാദ്യമായാണ് ഇരുവരും ഒരുമിച്ച് അഭിനയിക്കുന്നത്.
Read more
ലവ് രഞ്ജന്‍ ഒരുക്കുന്ന സിനിമയിലെ പാട്ടുകള്‍ ഇതിനോടകം തന്നെ ഹിറ്റ് ചാര്‍ട്ടില്‍ ഇടം നേടിയിരുന്നു. ആനിമല്‍ ആണ് രണ്‍ബീറിന്റെ അണിയറയിലുള്ള മറ്റൊരു സിനിമ. അമീഷ പട്ടേലും ഒരിടവേളയ്ക്ക് ശേഷം അഭിനയത്തില്‍ സജീവമായി മാറുകയാണ്. ഗദ്ദാര്‍ 2വിലാണ് താരം ഇപ്പോള്‍ അഭിനയിക്കുന്നത്.
