റോഷാക്ക് പ്രമോഷനിടെ മമ്മൂട്ടിയെ കുറിച്ച് നടന്‍ ജഗദീഷ് പറഞ്ഞ വാക്കുകളാണ് ശ്രദ്ധനേടുന്നത്. അഭിനേതാവ് എന്ന നിലയിലും നിര്‍മ്മാതാവായും വ്യത്യസ്തമായ സിനിമകളാണ് മമ്മൂട്ടി ചെയ്യുന്നതെന്ന് ജഗദീഷ് പറഞ്ഞു. ഇത്തരം സിനിമകള്‍ സെലക്ട് ചെയ്യുന്നതിന് പ്രത്യേക മനസും ധൈര്യവും വേണമെന്നും അതൊരു വെല്ലുവിളിയാണെന്നും നടന്‍ കൂട്ടിച്ചേര്‍ത്തു.
ജഗദീഷിന്റെ വാക്കുകള്‍
വളരെ നല്ലൊരു നിര്‍മാതാവാണ് മമ്മൂക്ക. നല്ല സിനിമകള്‍ക്ക് വേണ്ടി ഇപ്പോഴും അങ്ങോട്ട് ചാന്‍സ് ചോദിക്കുന്ന ആളാണ് അദ്ദേഹം. നല്ല പ്രോജക്ടുകള്‍ അദ്ദേഹം സെലക്ട് ചെയ്യുന്നത്. ലിജോ ജോസ് പെല്ലിശ്ശേരിയുടെ ആയാലും റോഷാക്ക് ആയാലും, വരാനിരിക്കുന്ന ജിയോ ബേബിക്കൊപ്പമുള്ള സിനിമയാണ്. ഇവരൊന്നും ഒരു കൊമേഷ്യല്‍ സൂപ്പര്‍ ഹിറ്റുകളുടെ ആളുകളല്ല. നല്ല സിനിമയുടെ വക്താക്കളാണ്. സബ്ജക്ട് സെലക്ട് ചെയ്യുമ്പോള്‍ മമ്മൂക്ക അവിടെ സ്‌കോര്‍ ചെയ്ത് കൊണ്ടിരിക്കുകയാണെന്ന് എനിക്ക് തോന്നിയിട്ടുണ്ട്.
Read more
‘കെട്ട്യോളാണ് എന്റെ മാലാഖ’ എന്ന ഹിറ്റ് ചിത്രത്തിന് ശേഷം നിസാം ബഷീര്‍ സംവിധാനം ചെയ്യുന്ന ചിത്രമാണ് റോഷാക്ക്. ചിത്രം ഒക്ടോബര്‍ ഏഴിന് തിയറ്ററുകളില്‍ എത്തും. സമീര്‍ അബ്ദുള്‍ ആണ് ചിത്രത്തിന് തിരക്കഥ ഒരുക്കിയിരിക്കുന്നത്. നടന്‍ ആസിഫ് അലിയും ചിത്രത്തില്‍ അതിഥി വേഷത്തില്‍ എത്തുന്നുണ്ട്. നിമീഷ് രവിയാണ് ഛായാഗ്രഹണം. നിമീഷ് രവിയാണ് ഛായാഗ്രഹണം. ചിത്ര സംയോജനം കിരണ്‍ ദാസ്, സംഗീതം മിഥുന്‍ മുകുന്ദന്‍, കലാ സംവിധാനം ഷാജി നടുവില്‍, പ്രൊഡക്ഷന്‍ കണ്‍ട്രോളര്‍ പ്രശാന്ത് നാരായണന്‍, ചമയം റോണക്‌സ് സേവ്യര്‍ & എസ്സ് ജോര്‍ജ് ,വസ്ത്രാലങ്കാരം സമീറ സനീഷ്, പ്രോജക്ട് ഡിസൈനര്‍ ബാദുഷ എന്നിവരാണ് മറ്റ് അണിയറപ്രവര്‍ത്തകര്‍.
