അമ്മയോടൊപ്പമുള്ള ഫോട്ടോയ്ക്ക് കമന്റിട്ടയാൾക്ക് ചുട്ട മറുപടി നൽകി സംഗീത സംവിധായകൻ ഗോപി സുന്ദർ. അമ്മ ലവ് എന്ന അടികുറിപ്പോടെ പങ്കുവച്ച ചിത്രത്തിന് താഴെയാണ് ‘ഈ അമ്മയോട് എന്തെങ്കിലും ബഹുമാനം തോന്നണമെങ്കിൽ താൻ ആദ്യം ഒരു സ്ത്രീയോട് എങ്കിലും മര്യാദ കാണിക്ക്’ എന്ന കമന്റ് ഒരാൾ രേഖപ്പെടുത്തിയത്.
കമന്റിന് ‘തൽക്കാലം നിങ്ങൾ സ്വന്തം കാര്യം നോക്ക്. നിങ്ങൾ നിങ്ങളുടെ മര്യാദ കാണിക്ക്. ആരും നിങ്ങളോട് വിഷമം പറയാനോ രക്ഷിക്കാനോ സമാധാനിപ്പിക്കാനോ പറഞ്ഞിട്ടില്ലാത്ത പക്ഷം മര്യാദയെ കുറിച്ച് അതും മറ്റൊരാളുടെ മര്യാദയെ കുറിച്ച് എന്തിനാണ് വെറുതെ ജഡ്ജ് ചെയ്യുന്നത് ?’ എന്ന് ഗോപി സുന്ദർ മറുപടി നൽകുകയും ചെയ്തു.
‘ഒരു ജീവിതം. അത് മനോഹരമാണ്. നിങ്ങൾക്കായി ജീവിക്കുക’ എന്ന് കുറിച്ച് മറ്റൊരു പോസ്റ്റും ഗോപി സുന്ദർ പങ്കുവച്ചിരുന്നു. ഇതിന് താഴെ ‘ഇപ്പോ അമൃത നിന്റെ ഭാര്യ അല്ലെ’ എന്ന കമന്റും വന്നു. നന്മ മാത്രം എന്ന അക്കൗണ്ടിൽ നിന്നുള്ള കമന്റായിരുന്നു ഇത്. ‘നിനക്ക് നന്മ മാത്രം പോരല്ലേ’ എന്നാണ് ഗോപി സുന്ദർ ഇതിന് മറുപടി നൽകിയത്.
Read more
സോഷ്യല്‍ മീഡിയയില്‍ പങ്കുവെയ്ക്കുന്ന ഓരോ പോസ്റ്റുകള്‍ക്കും താഴെ പരിഹാസ കമന്റുകൾ, വിമർശനങ്ങൾ താരത്തിന് നേരിടേണ്ടി വരാറുണ്ട്. മോശം കമന്റുകൾക്ക് ഗോപി സുന്ദർ മറുപടി നൽകാറുമുണ്ട്.
