കഴിഞ്ഞ അഞ്ചു വര്ഷക്കാലത്തോളം താന് മലയാള സിനിമയെ മിസ് ചെയ്തിട്ടുണ്ടെന്ന് നടി ഭാവന. മലയാളം സംസാരിച്ച് ഒരു കഥാപാത്രം ചെയ്യുമ്പോള് കുറച്ചു കൂടി ആസ്വദിച്ച് ചെയ്യാനാകും. എന്നാല് ആ സമയത്ത് താന് കൂടുതല് പ്രധാന്യം നല്കിയത് മാനസികാരോഗ്യത്തിനാണ് എന്നാണ് ഭാവന ഇപ്പോള് തുറന്നു പറയുന്നത്.
”കഴിഞ്ഞ അഞ്ച് വര്ഷം മറ്റ് ഭാഷാ ചിത്രങ്ങളില് മാത്രമാണ് അഭിനയിച്ചത്. ആ സമയത്തെല്ലാം മലയാളത്തെ ശരിക്കും മിസ് ചെയ്തിട്ടുണ്ട്. മലയാളം സംസാരിച്ച് ഒരു കഥാപാത്രം ചെയ്യുമ്പോള് കുറച്ചുകൂടി ആസ്വദിച്ചു ചെയ്യാനാകും. നമ്മുടെ സ്വന്തം ഭാഷ സംസാരിച്ച് സിനിമ ചെയ്യുന്നതിന് ഒരു സുഖമുണ്ട്. കഴിഞ്ഞ കുറെ വര്ഷങ്ങളില് അതൊന്നും സാധിക്കാതെ പോയി.”
”എന്റെ മാനസികമായ ആരോഗ്യത്തിനാണ് ഞാന് അപ്പോള് കൂടുതല് പ്രാധാന്യം നല്കിയത്. അതുകൊണ്ടാണ് മലയാളത്തില് നിന്ന് കുറെ കാലത്തേക്ക് മാറി നിന്നത്. എന്റെ കരിയറിലെ മികച്ച സമയമായിരിക്കാം ചിലപ്പോള് നഷ്ടമായത്. പക്ഷേ, അതിനെക്കാളൊക്കെ വലുതല്ലേ മനസിന്റെ ആരോഗ്യം.”
”എന്തോ അന്ന് ഇവിടെ നിന്നെല്ലാം അകന്നു നില്ക്കാനാണ് തോന്നിയത്. ഇത്രയും വര്ഷങ്ങള് ഞാന് സിനിമയിലുണ്ടായിരുന്നെങ്കിലും മലയാളത്തിനു പുറത്തായിരുന്നു. തിരിച്ചു വരുമ്പോള് ആകെയൊരു കണ്ഫ്യൂഷനായിരുന്നു. ആദ്യ രണ്ടു മൂന്നു ദിവസം ചെറിയൊരകലം എല്ലാവര്ക്കുമുണ്ടായിരുന്നു. പിന്നെ എല്ലാം അടിപൊളിയായിരുന്നു” എന്നാണ് ഭാവന മാതൃഭൂമിക്ക് നല്കിയ അഭിമുഖത്തില് പറയുന്നത്.
Read more
‘ന്റിക്കാക്കാക്കൊരു പ്രേമണ്ടാര്ന്ന്’ എന്ന ചിത്രമാണ് ഇനി ഭാവനയുടെതായി റിലീസിന് ഒരുങ്ങുന്നത്. നവാഗതനായ ആദില് മൈമുനാത്ത് സംവിധാനം ചെയ്യുന്ന ചിത്രത്തില് നിത്യ എന്ന കഥാപാത്രമായാണ് ഭാവന വേഷമിടുന്നത്. ഷറഫുദ്ദീന് ആണ് ചിത്രത്തില് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ‘ആദം ജോണ്’ ആണ് താരത്തിന്റെതായി ഒടുവില് റിലീസ് ചെയ്ത മലയാള ചിത്രം.