ബോളിവുഡില് തനിക്കെതിരെ വ്യാജ പ്രചാരണങ്ങള് നടത്തുന്ന ഒരു സംഘം പ്രവര്ത്തിക്കുന്നുണ്ടെന്ന് എ.ആര് റഹ്മാന്. സുശാന്ത് സിങ് രജ്പുത്ത് അവസാനമായി അഭിനയിച്ച “ദില് ബേച്ചാര”യാണ് റഹ്മാന് സംഗീതമൊരുക്കിയ ഏറ്റവും പുതിയ ബോളിവുഡ് ചിത്രം.
ദില് ബേച്ചാരയുടെ സംവിധായകന് മുകേഷ് ഛബ്ര തന്നെ സമീപിച്ചപ്പോള് പലരും റഹ്മാന് പിന്നാലെ പോകണ്ട എന്ന് ഉപദേശിച്ചിരുന്നതായാണ് തന്നോട് പറഞ്ഞതെന്ന് ഒരു എഫ്.എം റേഡിയോയ്ക്ക് നല്കിയ അഭിമുഖത്തില് റഹ്മാന് വെളിപ്പെടുത്തി.
“”ബോളിവുഡില് അടുത്തകാലത്തായി വളരെക്കുറച്ച് സിനിമകളിലേ ഭാഗമായിട്ടുള്ളൂ. എനിക്കെതിരെ തെറ്റായ പ്രചരണങ്ങളുമായി ഒരു സംഘം പ്രവര്ത്തിക്കുന്നുണ്ട്. ദില് ബേചാര എന്ന സിനിമയ്ക്കായി സംവിധായകന് മുകേഷ് ഛബ്ര എന്നെ സമീപിച്ചു. രണ്ടു ദിവസത്തിനുള്ളില് നാല് പാട്ടുകള്ക്ക് ഞാന് ഈണം നല്കി. റഹ്മാനു പിന്നാലെ പോകേണ്ടെന്നും മറ്റും പലരും അദ്ദേഹത്തോടു പറഞ്ഞുവത്രേ. ഒന്നാലോചിച്ചപ്പോള് എനിക്ക് മനസ്സിലായി. എന്തു കൊണ്ടാണ് നല്ല സിനിമകള് എന്നെ തേടി വരാത്തത്.””
Read more
“”എന്തു കൊണ്ടാണ് വളരെക്കുറച്ച്, കൊമ്മേര്ഷ്യല് അല്ലാത്ത ചിത്രങ്ങള് മാത്രം എനിക്ക് ലഭിക്കുന്നത് എന്ന്. ആളുകള് എന്നില് നിന്നും ഹിറ്റുകള് പ്രതീക്ഷിക്കുന്നു. എനിക്കെതിരെ പലരും പ്രവര്ത്തിക്കുകയും ചെയ്യുന്നു. ഞാന് വിധിയിലും ഈശ്വരനിലും വിശ്വസിക്കുന്നുണ്ട്. നല്ല സിനിമകളുടെ ഭാഗമാകാന് എന്നും ശ്രമിക്കുന്നുമുണ്ട്”” എന്നാണ് റഹ്മാന് വ്യക്തമാക്കിയത്.