ചേട്ടന് സൂര്യയുടെ കൂടെ ആഭിനയിക്കാന് വില്ലന് വേഷം ഏറ്റെടുക്കാനും തയ്യാറാണെന്ന് നടന് കാര്ത്തി. തന്റെ പുതിയ ചിത്രം “കൈദി”യുടെ പ്രചാരണത്തിനായി പാലക്കാട്ടെത്തിയപ്പോഴാണ് കാര്ത്തി ഇക്കാര്യം പറഞ്ഞത്. കേരളത്തിലെത്തിയാല് മറ്റൊരു സംസ്ഥാനമാണെന്നു തോന്നാറില്ലെന്നും കാര്ത്തി പറഞ്ഞു.
“ചേട്ടന്റെ കൂടെ അഭിനയിക്കണമെന്നതു വലിയൊരു ആഗ്രഹമാണ്. അങ്ങനൊരു സിനിമ സംഭവിക്കുവാന് വേണ്ടി വില്ലന് വേഷം ഏറ്റെടുക്കാന് പോലും തയ്യാറാണ്. വീട്ടില് നിന്നു ചേട്ടനോടു സിനിമയെക്കുറിച്ചു സംസാരിക്കാന് സാധിക്കാറില്ല. സെറ്റിലാണെങ്കില് അത് സാധിക്കും. പല കഥകളും കേള്ക്കുന്നുണ്ട്. അങ്ങനെയൊരുകഥ വരുമെന്നു പ്രതീക്ഷിക്കാം.” കാര്ത്തി പറഞ്ഞു.
Read more
ലോകേഷ് കനകരാജ് സംവിധാനം ചെയ്ത കൈദിയില് സ്വന്തം മകളെ കാണാന് ജയില് ചാടിയെത്തുന്ന കുറ്റവാളിയായാണ് കാര്ത്തി വേഷമിടുന്നത്. കാര്ത്തിക്കൊപ്പം മലയാളി താരം നരേനും മുഖ്യവേഷത്തിലെത്തുന്ന ചിത്രത്തിന്റെ മറ്റൊരു പ്രത്യേകത പൂര്ണമായും രാത്രിയാണ് കഥ നടക്കുന്നത് എന്നതാണ്. നായികയോ ഗാനങ്ങളോ ചിത്രത്തിലില്ല. എസ്.ആര് പ്രകാശ് ബാബുവും എസ്.ആര് പ്രഭുവും ചേര്ന്നാണ് നിര്മാണം. ഏറെ ശ്രദ്ധിക്കപ്പെട്ട “മാനഗരം” എന്ന ആദ്യ ചിത്രത്തിന് ശേഷം രണ്ട് വര്ഷം കൊണ്ടാണ് “കൈദി” ലോകേഷ് കനകരാജ് പൂര്ത്തിയാക്കിയത്.