ഒരുപാട് പുതുമുഖ നായികമാരെ ബോളിവുഡില് ലോഞ്ച് ചെയ്ത താരമാണ് സല്മാന് ഖാന്. സമപ്രായരായ നായികമാര്ക്കൊപ്പം അഭിനയിക്കാതെ പുതുമുഖ താരങ്ങളെ അവതരിപ്പിക്കുന്നതിനെ കുറിച്ച് സല്മാന് ഖാന് നേരെ ഒരിക്കല് ചോദ്യം ഉയര്ന്നിരുന്നു. ‘ധബാങ്ക്’ എന്ന ചിത്രത്തിന്റെ പ്രമോഷന്റെ സമയത്തായിരുന്നു അത്.
എന്തുകൊണ്ടാണ് സമപ്രായക്കാരായ നായികമാര്ക്കൊപ്പം അഭിനയിക്കാത്തതെന്ന ചോദ്യത്തിന് സിനിമയിലേക്ക് പുതുമുഖങ്ങള് വരുന്നത് മേഖലക്ക് ഗുണം ചെയ്യുമെന്നായിരുന്നു താരത്തിന്റെ മറുപടി. തനിക്കിപ്പോഴും മാധുരി ദീക്ഷിത്, ശില്പ ഷെട്ടി എന്നിവര്ക്കൊപ്പം അഭിനയിക്കുന്നതില് പ്രശ്നമില്ല.
എന്നാല് നിര്മാതാക്കള് അത്തരം ചിത്രങ്ങളിലേക്ക് തന്നെ കാസ്റ്റ് ചെയ്യുന്നില്ല എന്നും സല്മാന് പറഞ്ഞിരുന്നു. 2012ല് പുറത്തിറങ്ങിയ ധബാങ്കിലൂടെ സൊനാക്ഷി സിന്ഹ ബോളിവുഡിലേക്ക് അരങ്ങേറ്റം കുറിച്ചത്. അന്ന് ഒരു അഭിമുഖത്തില് സൊനാക്ഷി തന്നെ അങ്കിള് എന്നാണ് വിളിച്ചിരുന്നതെന്ന് സല്മാന് ഖാന് പറഞ്ഞിരുന്നു.
സൊനാക്ഷിക്ക് ഇപ്പോള് തന്നെ എന്താണ് വിളിക്കേണ്ടതെന്ന് അറിയില്ല. അതുകൊണ്ട് ഒന്നും വിളിക്കാറുമില്ല. സൊനാക്ഷിക്ക് 16-17 വയസുള്ളപ്പോള് മുതല് തനിക്കറിയാം. കരീനയെ അവരുടെ ഒമ്പത് വയസു മുതല് കാണാന് തുടങ്ങിയതാണ്.
Read more
അതുകൊണ്ടാണ് തങ്ങള് ഒന്നിച്ച് കുറേക്കാലം അഭിനയിക്കാതിരുന്നത് എന്നും സല്മാന് പറഞ്ഞിരുന്നു. അതേസമയം, ‘കിസി കാ ഭായ് കിസി കി ജാന്’ ആണ് സല്മാന്റെ പുതിയ ചിത്രം. തന്നെക്കാള് 25 വയസ് പ്രായം കുറഞ്ഞ പൂജ ഹേഗ്ഡെയാണ് ചിത്രത്തില് നായിക.