ബോളിവുഡ് താരം പരിനീതി ചോപ്രയും ആം ആദ്മി പാര്‍ട്ടി നേതാവ് രാഘവ് ഛദ്ദയും തമ്മിലുള്ള വിവാഹനിശ്ചയം കഴിഞ്ഞു. കുറച്ച് നാളുകളായി ബോളിവുഡില്‍ ഹോട്ട് ടോപിക് ആയി മാറിയ പ്രണയമായിരുന്നു ഇരുവരുടെതും.
ഒന്നിച്ച് ഡിന്നര്‍ കഴിക്കാനും ഐപിഎല്‍ വേദിയിലും എത്തിയതോടെ ആയിരുന്നു ഇരുവരുടെയും പ്രണയത്തെ കുറിച്ചുള്ള വാര്‍ത്തകള്‍ എത്താന്‍ തുടങ്ങിയത്. സോഷ്യല്‍ മീഡിയയിലൂടെയാണ് വിവാഹനിശ്ചയം കഴിഞ്ഞ വിവരം ഇരുവരും വെളിപ്പെടുത്തിയത്.
”ഞാന്‍ യെസ് പറഞ്ഞു’, എന്ന ക്യാപ്ഷനോടെയാണ് വിവാഹനിശ്ചയ ചിത്രങ്ങള്‍ പരിനീതി പങ്കുവച്ചത്. ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍, പഞ്ചാബ് മുഖ്യമന്ത്രി ഭഗവന്ത് മന്‍, പരിനീതിയുടെ കസിനും നടിയുമായ പ്രിയങ്ക ചോപ്ര തുടങ്ങി രാഷ്ട്രീയ-സിനിമാ രംഗത്തെ പ്രമുഖര്‍ വിവാഹനിശ്ചയ ചടങ്ങിന് എത്തിയിരുന്നു.
View this post on Instagram
ബോളിവുഡിലെ പ്രശസ്ത ഡിസൈനര്‍ മനീഷ് മല്‍ഹോത്രയാണ് പരിനീതിയുടെ വസ്ത്രം ഒരുക്കിയത്. നടിമാരായ പ്രിയങ്ക ചോപ്ര, മീര ചോപ്ര എന്നിവര്‍ ബന്ധുക്കളാണ്. ‘ലേഡീസ് വേഴ്‌സസ് റിക്കി ബാല്‍’ ചിത്രത്തിലൂടെയാണ് പരിനീതി ബോളിവുഡില്‍ അരങ്ങേറ്റം കുറിച്ചത്.
Read more
ഇശക്‌സാദേ, ശുദ്ധ് ദേസി റൊമാന്‍സ്, ഹസി തൊ ഫസി, ഗോള്‍മാല്‍ എഗൈന്‍ എന്നിവയാണ് നടിയുടെ ശ്രദ്ധ നേടിയ ചിത്രങ്ങള്‍. സൈന നേവാളിന്റെ ബയോപിക് സൈന എന്ന ചിത്രത്തില്‍ നായികയായിരുന്നു. ചംകീല, കാപ്‌സൂള്‍ ഗില്‍ എന്നിവയാണ് നടിയുടെ പുതിയ റിലീസുകള്‍.
