മുംബൈയിലെ റോഡുകളില്‍ നടന്ന് ചീപ്പ് വില്‍ക്കുന്ന മധ്യവയസ്‌കന്റെ വീഡിയോയുമായി ബോളിവുഡ് താരം അനുപം ഖേര്‍. മുടിയില്ലാത്ത തനിക്ക് ചീപ്പ് വിറ്റതിനെ കുറിച്ച് പറഞ്ഞാണ് അനുപം ഖേര്‍ നിഷ്‌ക്കളങ്കനായ വഴിയോര കച്ചവടക്കാരന്റെ വീഡിയോ പങ്കുവച്ചിരിക്കുന്നത്.
ചീപ്പ് ആവശ്യമില്ലാതെ ആണെങ്കിലും രാജു എന്ന വില്‍പ്പനക്കാരന്റെ പിറന്നാള്‍ ആയതു കൊണ്ടാണ് താന്‍ വാങ്ങിയത് എന്നാണ് അനുപം ഖേര്‍ പറയുന്നത്. രാജുവിനോട് സംസാരിക്കുന്ന വീഡിയോ എക്‌സില്‍ പങ്കുവച്ച് ഒരു കുറിപ്പും അനുപം ഖേര്‍ നല്‍കിയിട്ടുണ്ട്.
മുടിയില്ലാത്ത ഞാന്‍ ചീപ്പ് വാങ്ങിയാല്‍ നഷ്ടമാകും എന്ന് പറഞ്ഞു കൊണ്ടാണ് അനുപം ഖേര്‍ പറയുന്നത്. 20 രൂപയുടെ ചീപ്പ് 200 രൂപ നല്‍കിയാണ് നടന്‍ വാങ്ങുന്നത്. താന്‍ ബാന്ദ്രയില്‍ നിന്നും നടന്നുവന്നാണ് ചീപ്പ് വില്‍ക്കുന്നതെന്നും രാജു പറയുന്നുണ്ട്. തുടര്‍ന്ന് ഒരു 200 രൂപ കൂടി അനുപം ഖേര്‍ ഇയാള്‍ക്ക് നല്‍കുന്നുമുണ്ട്.
BALD AND BEAUTIFUL!!
Funny Encounter in Mumbai: Raju sells combs (कंघी) on the streets of Mumbai! I will never have a reason to buy a comb. But it was his birthday. And he felt if I buy one it will be a good beginning for him. I was sure he had seen better days in life. His… pic.twitter.com/VcXX5uWMhG— Anupam Kher (@AnupamPKher) February 15, 2024
”മുംബൈയിലെ തെരുവുകളില്‍ ചീര്‍പ്പ് വില്‍ക്കുന്നയാളാണ് രാജു. എനിക്ക് നിലവില്‍ ചീപ്പ് വാങ്ങേണ്ട ഒരു ആവശ്യവും ഇല്ല. പക്ഷേ ഇന്ന് അയാളുടെ പിറന്നാളാണ്. ഞാനൊരു ചീപ്പ് വാങ്ങിയാല്‍ അതൊരു നല്ല തുടക്കമായിരിക്കുമെന്ന് അയാള്‍ വിശ്വസിക്കുന്നതായി അറിയിച്ചു.”
”എനിക്കുറപ്പാണ് ജീവിതത്തിലെ നല്ല കുറേ നാളുകള്‍ എപ്പോഴോ അയാള്‍ കണ്ടിരിക്കണം. അയാളുടെ ചിരി നമ്മളെ കീഴടക്കുന്നതും പ്രചോദനം നല്‍കുന്നതുമാണ്. നിങ്ങള്‍ക്ക് മുടിയുണ്ടോ ഇല്ലയോ എന്ന് നോക്കണ്ടതില്ല. നിങ്ങള്‍ എപ്പോഴെങ്കിലും അയാളെ കാണുകയാണെങ്കില്‍ ദയവായി അയാളില്‍ നിന്നും ഒരു ചീപ്പ് വാങ്ങണം.”
Read more
”അയാള്‍ തന്റെ ലളിതവും നിഷ്‌കളങ്കവുമായ വ്യക്തിത്വം കൊണ്ട് നിങ്ങളുടെ ദിവസം പ്രകാശപൂരിതമാക്കും” എന്നാണ് അനുപം ഖേര്‍ കുറിച്ചിരിക്കുന്നത്. അനുപം ഖേറിന്റെ വാക്കുകള്‍ക്കും പ്രവര്‍ത്തിക്കും കൈയ്യടിക്കുകയാണ് സോഷ്യല്‍ മീഡിയ. ഹൃദ്യമായ കാഴ്ച എന്നാണ് പലരും കമന്റ് ആയി കുറിക്കുന്നത്.
