സൗത്ത് ഇന്ത്യയിൽ ഏറെ ആരാധകരുള്ള താരമാണ് ജ്യോതിക. വിവാഹ ശേഷം 36 വയതിനിലെ എന്ന തമിഴ് ചിത്രത്തിലൂടെയാണ് ജ്യോതിക അഭിനയരംഗത്ത് തിരികെയെത്തിയത്. ഇപ്പോഴിതാ ഒരിടവേളക്ക് ശേഷം താരം ബോളിവുഡിലേക്കും മടങ്ങിയെത്തുകയാണ്. അജയ് ദേവ്ഗൺ,ആർ മാധവൻ എന്നിവർ പ്രധാന കഥാപാത്രങ്ങളായെത്തുന്ന സൂപ്പർ നാച്ചുറൽ ത്രില്ലറിലൂടെയാണ് താരത്തിന്റ തിരിച്ചുവരവ്.
പനോരമ സ്റ്റുഡ്യോസ് ആണ് നിർമ്മാണം. ജൂണിൽ ചിത്രീകരണം തുടങ്ങാനാണ് പദ്ധതി. സംവിധായകൻ ആരായിരിക്കുമെന്ന് പ്രഖ്യാപിച്ചിട്ടില്ല. മുംബൈ,ലണ്ടൻ എന്നിവിടങ്ങളിലാകും പ്രധാന ലൊക്കേഷൻ. ഏറ്റവും അടുത്തതായി റിലീസിന് ഒരുങ്ങുന്ന .ജ്യോതികയുടെ ചിത്രം ജിയോ ബേബി സംവിധാനം ചെയ്യുന്ന കാതലാണ്.
ജ്യോതികയും മമ്മൂട്ടിയും ആദ്യമായി ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്. ചിത്രത്തിൻറെ ആദ്യ പോസ്റ്റർ പുറത്തിറങ്ങിയത് മുതൽ ഏറെ ആകാംക്ഷയോടെയാണ് ആരാധകരും. പ്രിയദർശൻ സംവിധാനം ചെയ്ത “ഡോലി സജാ കെ രഹ് ന” എന്ന ഹിന്ദി ചിത്രത്തിലൂടെ 1998 ലാണ് ജ്യോതികയുടെ സിനിമാ അരങ്ങേറ്റം. എന്നാൽ ചിത്രം ബോക്സോഫീസിൽ വിജയിച്ചില്ല.
Read more
പിന്നീട് തമിഴ് സിമിയിൽ ഹിറ്റുകൾ സൃഷ്ടിച്ചു തന്റേതായ ഇടം കണ്ടെത്താൻ ജ്യോതികക്ക് കഴിഞ്ഞു. വിവാഹ ശേഷം ജ്യോതികയുടെ സിനിമ രംഗത്തേക്കുള്ള മടങ്ങിവരവിൽ ഭർത്താവ് സൂര്യയും ശക്തമായ പിന്തുണയുമായി ഒപ്പമുണ്ടായിരുന്നു. ഇരുവരും തമിഴകത്തെ പ്രിയപ്പെട്ട താരജോഡികളാണ്.
