ഗൾഫ് മേഖലയിൽ കൂറ്റൻ തിരമാലകൾ വീശിയടിക്കും, കടൽ ക്ഷുഭിതമാകും എന്ന മുന്നറിയിപ്പുമായി അറേബ്യൻ കാലാവസ്ഥാ നിരീക്ഷണ കേന്ദ്രം. അറേബ്യൻ ഗൾഫ് മേഖലയിൽ ശക്തമായ കാറ്റും കടൽ ക്ഷോഭവും കൂടാതെ 11 അടി ഉയരത്തിൽ വരെ തിരമാലകൾ ആഞ്ഞടിക്കാനും സാധ്യതയുണ്ടെന്നാണ് കാലാവസ്ഥാ കേന്ദ്രത്തിന്റെ പ്രവചനം.
വ്യാഴാഴ്ച വൈകിട്ടുവരെ ആരും സമുദ്ര തീരങ്ങളിൽ ഇറങ്ങരുതെന്നും നാവിക സേനയിലെ മുതിർന്ന ഉദ്യോഗസ്ഥർ ആവശ്യപ്പെട്ടു. ബുധനാഴ്ച മുതൽ വ്യാഴാഴ്ച വൈകിട്ടുവരെ പ്രധാനമായും ഒമാൻ കടലിനു സമീപമാണ് കാറ്റിനും കടൽ ക്ഷോഭത്തിനും സാധ്യതയെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
— المركز الوطني للأرصاد (@NCMS_media) January 3, 2018
ഒമാൻ കടലിൽ അഞ്ചു മുതൽ ഏഴ് അടി വരെ ഉയരത്തിൽ ആയിരിക്കും തിരമാലകൾ അനുഭവപ്പെടുകയെന്നും മുന്നറിയിപ്പിൽ പറയുന്നുണ്ട്. കാലാവസ്ഥാ മാറ്റത്തിന്റെ ഫലമെന്നോണം യുഎഇയുടെ വിവിധ മേഖലകളിൽ ബുധനാഴ്ച രാവിലെ ചാറ്റൽ മഴ അനുഭവപ്പെട്ടു.
രാജ്യത്തിന്റെ വിവിധ ഭാഗങ്ങളിൽ കടുത്ത മൂടൽ മഞ്ഞിന് സാധ്യതയുണ്ടെന്നും കാലാവസ്ഥ നിരീക്ഷ കേന്ദ്രം വ്യക്തമാക്കി. കാഴ്ചമറയ്ക്കുന്ന രീതിയിലുള്ള മൂടൽ മഞ്ഞ് ഉണ്ടാകാൻ സാധ്യതയുണ്ടെന്നും വാഹനമോടിക്കുന്നവർ അതീവശ്രദ്ധ പുലർത്തണമെന്നും മുന്നറിയിപ്പ് നൽകി.
— المركز الوطني للأرصاد (@NCMS_media) January 3, 2018
Read more
