കിഫ്ബി ഇറക്കിയ മസാല ബോണ്ടിന്റെ ട്രേഡിങ്ങ് മുഖ്യമന്ത്രി പിണറായി വിജയൻ ഇന്ന് ഉദ്ഘാടനം ചെയ്യും. ലണ്ടന് സ്റ്റോക്ക് എക്സ്ചേഞ്ചിലാണ് ബോണ്ടിന്റെ ലിസ്റ്റിംഗ് നടക്കുന്നത്. ലണ്ടൻ ഓഹരിവിപണിയില് ലിസ്റ്റ് ചെയ്യുന്ന ഇന്ത്യയിലെ ആദ്യ സംസ്ഥാനതല സ്ഥാപനമായി കിഫ്ബി വരുന്നതിന്റെ ഭാഗമായിട്ടാണ് മുഖ്യമന്ത്രിക്ക് ഈ ക്ഷണം ലഭിച്ചത്. ധനമന്ത്രി തോമസ് ഐസക്കും ചീഫ് സെക്രട്ടറി ടോം ജോസും കിഫ്ബി സി ഇ ഒ ഡോ. കെ എം എബ്രഹാമും ചടങ്ങിൽ പങ്കെടുക്കും.
ഇതിലൂടെ സംസ്ഥാനത്തിന് വിഭവസമാഹരണത്തിനുള്ള പുതിയ അവസരവും കോര്പ്പറേറ്റ് ഭരണത്തിലെയും ഫണ്ട്പരിപാലനത്തിലെയും ലോകോത്തരസമ്പ്രദായങ്ങള് പകര്ത്താനുള്ള അവസരവുമാണ് വഴിതുറക്കുന്നത്. അന്താരാഷ്ട്ര നിക്ഷേപകര്ക്കൊപ്പം ലോകവ്യാപകമായി വിജയകരമായി സംഘടിപ്പിച്ച റോഡ് ഷോകളുടെ മറ്റ് പരിപാടികളുടെ തുടര്ച്ചയാണ് ഈ അവസരമെന്നാണ് കിഫ്ബി അധികൃതര് പറയുന്നത്.
Read more
അടുത്ത മൂന്നുവര്ഷത്തിനുള്ളില് അടിസ്ഥാന സൗകര്യവികസനത്തിന് 50,000 കോടിരൂപയുടെ മൂലധന നിക്ഷേപം ലഭ്യമാക്കുക എന്ന ലക്ഷ്യം വച്ചിരിക്കുന്ന കിഫ്ബിക്ക് ഈ ഓഹരിവ്യാപാരം നേട്ടമാണ്. ലണ്ടന് സ്റ്റോക്ക് എക്സ്ചേഞ്ചിലെ ചടങ്ങുകള്ക്ക് ശേഷം മുഖ്യമന്ത്രിയും ധനമന്ത്രിയും കെ.എസ്.എഫ്.ഇ. പ്രവാസിച്ചിട്ടിയുടെ യൂറോപ്പ് തല ഉദ്ഘാടനത്തിന് പങ്കെടുക്കും