റഷ്യയുടെ ലോക മുന് നമ്പര് വണ് താരം മരിയ ഷറപ്പോവയുടെ ഭംഗിയുള്ള വസ്ത്രങ്ങള് കണ്ട് അതുപോലുള്ളവ ധരിക്കാനാണ് താന് ടെന്നിസിലേക്ക് എത്തിയതെന്ന് ഇന്ത്യയുടെ യുവ താരം ശ്രീവല്ലി ഭാമിദിപതി. ടെന്നിസ് കളി തനിക്ക് ഭംഗിയുള്ള വസ്ത്രങ്ങള് ധരിക്കാനുള്ള അവസരം നല്കിയെന്നും ഷറപ്പോവയാണ് അതിന് പ്രചോദനമായതെന്നും ശ്രീവല്ലി പറഞ്ഞു.
മരിയ ഷറപ്പോവയുടെ ചിത്രങ്ങള് പതിവായി നോക്കുകയും അവളുടെ വസ്ത്രങ്ങള് വളരെ ഇഷ്ടപ്പെടുകയും ചെയ്തിരുന്നു. ഞാനും അത്തരത്തില് ഭംഗിയുള്ള വസ്ത്രങ്ങള് ധരിക്കാന് ആഗ്രഹിച്ചു. അതാണ് ഞാന് 11-ാം വയസ്സില് ടെന്നിസ് കളിക്കാന് തുടങ്ങിയതും കായികരംഗത്തേക്ക് ആകര്ഷിക്കപ്പെട്ടതും.
ടെന്നിസ് കളി എനിക്ക് ഭംഗിയുള്ള വസ്ത്രങ്ങള് ധരിക്കാനുള്ള അവസരം നല്കി. അതിനാല്, എന്നെ സംബന്ധിച്ച് കായികരംഗത്തേക്ക് വളരെ ആകസ്മികമായാണ് എത്തിപ്പെട്ടത്- ശ്രീവല്ലി പറഞ്ഞു.
Read more
ഹൈദരാബാദില്നിന്നുള്ള ഇന്ത്യയുടെ പുതിയ ടെന്നീസ് പ്രതീക്ഷയാണ് ഇരുപത്തിരണ്ടുകാരിയായ ശ്രീവല്ലി ഭാമിദിപതി. കായിക കുടുംബത്തില്നിന്നാണ് ശ്രീവല്ലി വരുന്നത്. അമ്മ ബാസ്കറ്റ് താരവും അച്ഛന് ക്രിക്കറ്റ് താരവുമായിരുന്നു.