ഖത്തർ ലോകകപ്പ് മത്സരത്തില്‍ അര്‍ജന്റീനക്കെതിരെ വിജയം നേടിയ സൗദി ഫുട്‌ബോള്‍ ടീമിലെ എല്ലാ കളിക്കാര്‍ക്കും റോള്‍സ് റോയ്‌സ് കാറുകള്‍ സമ്മാനമായി ലഭിക്കുമെന്ന വാർത്തകൾ ശരിയല്ലെന്നു സൗദി താരം സ്വാലിഹ് അൽ ഷഹ്‌രി. രാജ്യത്തിന് വേണ്ടിയാണ് തങ്ങൾ കളിക്കുന്നതെന്നും പ്രതിഫലം താങ്കൾക് കിട്ടുന്നുണ്ടെന്നും അര്ജന്റീനയെ തോൽപ്പിച്ചതിന്റെ പേരിൽ പ്രത്യേക പ്രതിഫലം ഒന്നും കിട്ടില്ലെന്നും താരം പറഞ്ഞു.
അർജന്റീനക്ക് എതിരായ വിജയം സൗദിയിൽ വലിയ രീതിയിൽ ആഘോഷിച്ചിരുന്നു. ജയത്തിന് പിന്നാലെ പൊതു അവധി പ്രഖ്യാപിക്കുകയും ചെയ്തിരുന്നു. എന്തിരുന്നാലും വലിയ ജയത്തിന്റെ പേരിൽ സൗദി രാജാവ് മുഴുവന്‍ കളിക്കാര്‍ക്കും റോള്‍സ് റോയ്‌സ് ഫാന്റം കാറുകള്‍ സമ്മാനിക്കുമെന്നു കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്‍ പ്രഖ്യാപിച്ചതായി സമൂഹ മാധ്യമങ്ങളില്‍ വ്യാപകമായി പ്രചരിചിരുന്നു.
Read more
എന്തായാലും താരം ഇത് നിഷേധിച്ച് മാധ്യമപ്രവർത്തകരോട് സ്ഥിതീകരിച്ചു. അടുത്ത മത്സരത്തിൽ ജയിക്കാൻ സാധിച്ചാൽ അടുത്ത റൗണ്ടിലേക്ക് കടക്കാൻ സൗദിക്ക് സാധിക്കും.
