ഇന്നലെ നടന്ന മത്സരത്തിൽ അൽ-ഇത്തിഹാദിനോട് 1-0 ന് തോറ്റതിന് മോശം പ്രകടനത്തിന് അൽ-നാസർ ക്യാപ്റ്റൻ ക്രിസ്റ്റ്യാനോ റൊണാൾഡോയ്‌ക്കെതിരെ ട്വിറ്ററിൽ ആരാധകർ രൂക്ഷമായ ആക്രമണം അഴിച്ചുവിട്ടു. റൊമാരീഞ്ഞോ 80-ാം മിനിറ്റിൽ നേടിയ ഗോളിന്റെ പിൻബലത്തിലാണ് ടീം വിജയിച്ചത്.
റൂഡി ഗാർഷ്യയുടെ ടീമിനെതിരെ നേടിയ വിജയത്തിന് ശേഷം അൽ-ഇത്തിഹാദ് ഇപ്പോൾ പോയിന്റ് പട്ടികയിൽ ഒന്നാം സ്ഥാനത്താണ്. 20 മത്സരങ്ങളിൽ നിന്ന് 47 പോയിന്റുള്ള അവർക്ക് അൽ-നാസറിനെക്കാൾ ഒരു പോയിന്റ് ലീഡുണ്ട്.
റൊണാൾഡോ ക്ലബ്ബിൽ വന്നതിന് ശേഷം ഇത് രണ്ടാം തവണയാണ് അൽ ഇത്തിഹാദ് അൽ നാസറിനെ തോൽപ്പിക്കുന്നത്. ചുരുക്കി പറഞ്ഞാൽ സൗദിയിലെ ടോപ് ലീഗിലെ ഒരു ടീമിന്റെ വെല്ലുവിളി മറികടക്കാൻ പോലും ഇപ്പോൾ റൊണാൾഡോക്ക് സാധിക്കുന്നില്ല. ഇഞ്ചുറി ടൈമിൽ ടീമിന് സമനില ഗോൾ നേടാൻ റൊണാൾഡോക്ക് അവസരം ഉണ്ടായിരുന്നെങ്കിലും അത് മുതലാക്കാൻ താരത്തിന് കഴിയാതെ വന്നതോടെയാണ് വിമർശനം ശക്തമാകുന്നത്.
Read more
“പ്രധാന താരങ്ങളെ ഒഴിവാക്കി ഒരുപാട് പണം ചിലവഴിച്ച് ടീം സ്വന്തമാക്കിയ റൊണാൾഡോയെ കൊണ്ട് ഒരു ഗുണവും ഇല്ല. അയാളെ പുറത്താക്കണം.” ഒരു ആരധകൻ പറയുന്നു. ” റൊണാൾഡോ വരുന്നതിന് മുമ്പ് അൽ നാസർ ടോപ് ടീമായിരുന്നു” മറ്റൊരു ആരാധകൻ കുറിച്ചു.
